Femrat me menstruacione të cilat kanë qenë të ndaluara nga institucionet fetare, tani janë duke e bërë publike ciklin e tyre menstrual për të luftuar këtë stigma apo njollosje.
Si pjesë e zakoneve të saja të lashta, tempulli Sabarimala në Kerala, Indi, nuk i ka lejuar femrat në moshë riprodhuese për të hyrë aty, njofton Reuters. Por, kur Prayar Gopalakrishnan, kryetari i bordit të tempullit, i tha gazetarëve apo raportuesve se do ta konsideronte heqjen e ndalesës nëqoftëse do të kishte ndonjë “makineri” që do të përcaktonte nëse një grua ka menstruacione apo jo, atëherë avokatët morën përsipër nëpër media sociale të luftonin idenë se një grua me menstruacione është e “papastër”.
“Do të vijë një ditë kur një makinë do të shpiket për të skanuar nëse një femër mund të hyjë e pastër në tempull. Kur makina të jetë shpikur atëherë ne do ti lejojmë ata të futen brenda”, theksoi Gopalakrishnan, raportohet sipas mediave.
Të nxitur nga letra e hapur e shkruar nga aktivistja Nikita Azad, mbështetësit e saj kanë kundërshtuar deklaratën e Gopalakrishnan duke përdorur hashtagun #Me fat që kemi cikël menstrual.
Gopalakrishnan i tha Reuters se komentet e tij janë marrë jashtë kontekstit dhe se tempulli nuk do ta përmbyste ndalimin pasi ky ishte një “zakon” qysh në kohërat e lashta.
Përderisa Sabarimala është një nga tempujt hindu që përjashton femrat e moshës riprodhuese, një numër i madh i miteve që paraqesin efektet e dëmshme të ciklit menstrual mbeten vetëm në shoqërinë indiane.
Për shembull, gratë dhe femrat indiane që janë me cikël menstrual duhet ti largohen gatimit sepse ka rrezik që ato të “ndotin” ushqimin. Disa madje besojnë se ato mund të prishin ndonjë perime me vetëm një prekje me duart e tyre.
Këto mite janë ende të përhapura në këtë shoqëri, ku faqja aktiviste Menstrupedia.com, përfshin një seksion të tërë dedikuar këtyre miteve rreth ciklit menstrual.
Personat që janë përfshirë në fushatën #Me fat që kemi cikël menstrual, kanë vënë në dyshim autoritetin e udhëheqësve fetarë në ndalimin e grave për shkak të gjendjes natyrale të papastërtisë trupore apo ciklit menstrual.
Azad shkruan:
“Ju jeni tallur me tërë komunitetin e grave duke i etiketuar menstruacionet si një veprim i papastër. Por, në të njejtën kohë, ju keni pohuar një tempull i përbërë nga vëllezërit dhe motrat e mia si një pronë tuajën private stërgjyshore. Me çfarë autoriteti, ju e quani tempullin Sabarimala si tempullin tuaj? Me ç’pushtet ju mund të më ndaloni për të hyrë në atë tempull?”
