12.2 C
Pristina
10.4 C
Zurich
More

    A është mirë të veshni një korset për ngushtimin e belit tuaj?

    spot_imgspot_img

    Ta formësoni belin me anë të një korseti, mund të rezultojë në “belin e grerëzës” apo në figurën e ekzagjeruar të orës së rërës, ndërsa paraqitja juaj e shëndetshme mund të jetë vetëm një iluzion.

    Korseti nuk e djeg dhjamin apo tonin e muskujve, ata thjeshtë ndryshojnë masën tuaj ekzistuese në një formë të re, dhe nëse keqpërdoret ai, mund të shkaktojë probleme të përhershme shëndetësore. Por, sidoqoftë, nëse përdorni korset për periudha të shkurtra kohore, konsultohuni me mjekun tuaj në lidhje me efektet anësore.

    Madhësia e belit vs. trashësia e belit

    Korseti mund të ndryshojë formën tuaj, mirëpo shtrëngimi i saj nuk e zvogëlon yndyrën në bel, kështuqë djegia e dhjamit është më e rëndësishme për shëndetin tuaj se sa thjeshtë ta riformoni trupin. Yndyra viscerale (e organeve të brendshme) është e rrezikshme, pasi mund të çojë në sëmundje kardiovaskulare, tronditje, diabet dhe kancer. Të ushqyerit dhe mënyra e jetesës janë mjetet më efektive për të luftuar yndyrën e trupit.

    Humbja e peshës afat-shkurtë

    Ta lidhni dhe shtrëngoni veten me anë të një korseti, mund të kompresojë barkun tuaj, gjë që ju bën të hani më pak apo të duroni një siklet ekstrem, kështuqë ju mund të humbni peshë në këtë mënyrë. Pas disa ditëve ose javëve, në mënyrë të natyrshme, ju mund të reduktoni trashësinë e barkut dhe madhësinë e belit tuaj, por pas heqjes së korsetit, ju duhet vullnet i madh që të mbani formën e fituar. Pas ngushtimit të belit dhe tkurrjes së barkut, korseti nuk formëson apo tonifikon barkun tuaj, dhe pasojat mund të jenë gulçime apo pengesë në frymëmarrje si dhe lëkurë e thatë.

    Efektet afatgjata të shëndetit

    Ngushtimi i belit mund të ndryshojë fizikisht formën e trupit me kalimin e kohës, gradualisht duke shtypur brinjët dhe kafazin e krahërorit si dhe duke zhvendosur organet e brendshme. Përderisa nga jashtë, kjo pamje e hollë dhe e shëndetshme e belit jep imazh shumë të mirë, nga ana tjetër mund të lindin probleme shëndetësore. Disa nga përdorueset theksojnë për dhimbje të legenit apo këmbëve, si pasojë e presionit të nervave, ndërsa dëmet e kafazit mund të zvogëlojnë kapacitetin e mushkërive. Kompresimi apo shtypja e barkut mund të pengojë tretjen e rregullt si dhe dëmtimi i organeve tjera është mëse i mundshëm.

    Alternativat e përdorimit të korsetit

    Korsetet nuk janë të nevojshme për krijimin e një beli të hollë. Ekzistojnë edhe veshje tjera që e reduktojnë trashësinë për një periudhë të shkurtë si shtrënguese në forma të ndryshme që i japin formë trupit, mirëpo heqja permanente e dhjamit në pjesë të caktuara të trupit kërkon ndryshime në dietë dhe stërvitje aerobiku. Kërkoni opcione të shëndetshme, sepse përderisa të gjithë tentojnë që të shohin më të mirën tek vetja, shëndeti duhet të paguhet për një çmim shumë më të lartë./kosovarja.ch/

    Foto: Youtube

     

    Shpërndaje postimin:

    spot_imgspot_img

    Të popullarizuara

    spot_imgspot_img

    Artikuj të ngjajshëm
    Artikuj të ngjajshëm

    Këto cilësi të mashkullit, vlerësohen më shumë nga një femër

    Të gjithë meshkujt mendojnë që femrat janë të interesuara...

    Reduktimi i kripës dhe ndikimi në organizëm

    Kripa është pjesë e rëndësishme e dietës suaj kur...

    12 shenja që tregojnë se partneri ju dashuron çmendurisht

    Dashuria e vërtetë nuk është se vetëm ndjehet, por...

    8 mënyra për të rikthyer besimin tek vetja para çdo takimi të parë

    Nuk ka rëndësi sa takime të reja keni bërë...