Simptomat e të ftohurit shpesh i përshkruajmë me fjalët „po dridhem“, „gjithçka më dhemb“. Atëherë si ilaç duhet të zieni supë ose çaj dhe të pushoni.

Çajrat e përgatitura nga bimë të veçanta apo përzierje përdoren për shpëlarje të gojës, por mund edhe t’i pini në gllënjka të vogla, më shpesh gjatë ditës.

Simptomat e ftohjes janë përgjigje trupore ndaj infeksionit kur aktivizohen pjesë të sistemit imunitar. Temperatura e lartë e trupit nuk ndikon në shumimin e virusit, kurse mjedisi acidik i stomakut në temperaturë të lartë deaktivizon viruset. Rritja e sekrecionit, teshtima, kolla sigurojnë nxjerrjen e virusit. Pra, temperatura e lartë është përgjigje e organizmit. Dhe posaçërisht për këto arsye ulja e temperaturës rekomandohet vetëm kur ajo kalon 38 gradë. Përjashtim janë fëmijët të cilët kanë patur konvulzione (ngërrçe), njerëz të moshuar apo sëmundje të caktuara kronike. Prandaj, rekomandohet zgjedhja e bimëve sipas simptomave me shtimin e produkteve ushqimore si zink, vitaminë C dhe propolis – theksojnë mjekët.

Edhe përkundër të gjitha masave preventive që ne mund t’i ndërmarrim për të parandaluar sëmundjen, gjatë periudhës së rrezikut, nga nëntori deri në mars, paraqiten simptomat e ftohjes.

Gabimi më i shpeshtë që bëhet është marrja e produkteve të cilët e thajnë mukozën nazale (spreje për hundë). Ato eliminojnë simptomat e të ftohtit, por njëkohësishtë edhe zvogëlojnë aftësitë mbrojtëse të mukozës dhe mund të janë shkaktarë të komplikacioneve. Për këtë nuk guxojmë që gjatë trajtimit të çrregullojmë aftësitë mbrojtëse të organizmit. Organizmi i personit të shëndetshëm mund të përballet me ftohjen edhe pa përdorimin e barërave. Është e rëndësishme të përdoren masa të caktuara higjienike – epidemiologjike për shërim më të shpejtë, por edhe për parandalimin e përhapjes së infeksionit. Personi i infektuar duhet të shmang shkuarjen në takime në dhoma të mbyllura, si dhe vizita tek të tjerët.

SI TË SILLEMI

– Përdorini facoleta letre

– Gjatë periudhës së infeksionit përdorni vetëm gotën dhe peshqirin tuaj

– Të pushoni në mënyrë që t’i siguroni energji organizmit për të luftuar virusin

– Të ajrosni dhomën ku banon i sëmuri, që ajri të mos jetë shumë i nxehtë dhe të sigurohet lagështi e mjaftueshme

– Pini lëngje të mjaftueshme

– Pije të nxehta të ëmbëlsuara me mjaltë zbusin dhimbjet në fyt

– Shmangni pijet me kafeinë

– Ulni sasinë e sheqerit, yndyrës dhe alkoolit

ÇKA NDIHMON

– Supë pule (me anë të hetimeve është dëshmuar efekti anti-inflamatorë i supës, apo aminoacidet që ndodhen në proteinat e mishit të pulës)

– Rrënjët dhe bima Echinacea (zvogëlon simptomat dhe shkurton kohëzgjatjen e ftohjes. Echinacean përdoreni në formë pikash çdo dy orë nga 3 deri në 5 ml një apo dy ditët e para, pastaj mund të kaloni në tableta)

– Xhenseni (gingseng) siberian (stimulon aktivitetin e qelizave imune)

– Rrënjët e xhensenit (forcon përgjigjen imune të organizmit)

– Lulet e shtogut dhe blirit (përveç vetive diaforetike, zvogëlojnë sekrecionin bronkial)

– Prodhimet dietetike

– Vitamina C (preferohen doza prej 1 deri 4 g. Doza të tilla të larta duhet pirë vetëm gjatë kohëzgjatjes së ftohjes. Dozat e larta nuk preferohen për njerëzit që kanë ndonjë sëmundje apo gurë në veshka)

– Zinku (mund të ndalojë apo në mënyrë të konsiderueshme të shkurtojë kohëzgjatjen e ftohjes. Me rëndësi është që të jetë në formë të glukonatit, glukonat-glicinës apo acetatit. Çdo dy orë merren 13-15mg)

– Propolisi gjithashtu shkurton kohëzgjatjen e ftohjes

FAKTET

– Antibiotikët nuk kanë efekt në viruse

– Në të ardhmen na pret rezistenca e bakterieve ndaj antibiotikëve e cila do të zhvillohet për shkak të përdorimit joadekuat të tyre, kurse ftohja është shkaku i përdorimit të shpeshtë dhe i pajustifikuar i antibiotikëve

KËSHILLAT

– për temperaturë: bimë që kanë veti diaforetike – stimulojnë djersitjen

– për mukozën e hundës: inhalacione me eukalipt dhe nenexhik

– për fyt: disa nga preparatet për zbutjen e mukozës së irituar të gojës dhe fytit.
/kosovarja.ch/