Po sjellim recetën për njërën nga verzionet më të shëndetshme të palpetave amerikane. Përgatitini me limon dhe mak dhe me një miell të shëndetshëm –
Idenë e kemi marrë nga blogu Tartineandapronstrings. E kemi modifikuar pak, ndërsa mund ta ndryshoni edhe në mënyrën tuaj.
Përndryshe, në verzionin origjinal në recept janë përdorur edhe fruta që quhen juzu (grejpfrut japonez) – një lloj i ri i grupit të citronëve. Është i shtrenjtë, nëse arrini ta gjeni, ndërsa shija ngjan me atë të mandarinës, limunit dhe grejpfrutit – kështu që në vend të tij gjatë përgatitjes mund të përdorni disa nga këto fruta.
Përbërësit:
- ½ filxhani (90 g) pluhur orizi
- 1/2 filxhani (60 g) miell kinoe
- 2 lugë sheqer
- 1 një lugë caji pecivë
- 1/2 një lugë caji sodë bikarboni
- Pak kripë deti
- 2 lugë mak
- Lëvorja e një limuni a e një mandarine
- 2 vezë
- 240 ml jogurt me sa më pak yndyrë
- 1 lugë lëng limoni
- 1 lugë vaj (plus sa nevojitet për pjekjen e Palpetave)
Në një enë përzijini llojet e miellit që do t’i përdorni, sheqerin, peciven, sodën bikarboni, kripën, mak, lëvoren e limonit. Vecmas tundini të verdhat e vezës me jogurtin, lëngun e limonit dhe vajin. Gjithë këtë përzierje bashkojeni me miellin dhe përzijeni bashkë.
Vecmas tundini të bardhat e vezës me pak kripë – tundini derisa të fitohet një shkumë e fortë dhe pastaj në këtë shtoni pjesën tjetër të përbërësve.
Në tigan nxeni 1 lugë vaj në temperaturë mesatare, pasi të nxehet shtoni ¼ filxhani nga brumi dhe pjekeni deri sa të skuqet pak , në të dyja anët. Përsëriteni këtë me tërë brumin.
Shërbejini të nxehta shoqëroini me mjaltë.
kosovarja.ch
