Përbërësit:
300 gram biskota të bluar
120 gram gjalpë
150 gram Nutella
600 gram krem djathi
370 mililitra ajkë e ëmbël
Sheqer pluhur
Ekstrakt i vaniljes
70 gram çokolatë
Përgatitja:
Biskotat e bluara i bashkoni me gjalpën e shkrirë dhe i vendosni në enën ku do të bëni ëmbëlsirën. Shtypini mirë dhe lërini në një anë të pushojnë.
Në një enë të thellë, me mikser përzieni mirë së pari krem djathin. Më pas shtoni 250 mililitra nga ajka e ëmbël, vaniljen dhe sheqerin pluhur.
Përzieni masën mirë dhe ndajeni në dy enë, në mënyrë të barabartë.
Njërën nga këto vendoseni mbi biskotat dhe vendoseni në ftohje.
Pjesës së dytë i shtoni Nutellën dhe përzijeni mirë derisa të krijoni masë homogjene.
Ëmbëlsirën vendoseni për ftohje gjersa ju të përgatitni shtresën e fundit.
Çokolatën me 120 gram ajkë të ëmbël shkrijeni në avull.
Pasi të ftohet, vendoseni mbi ëmbëlsirë.
Për fund mund ta dekoroni sipas dëshirës.
