Ëmbëlsira e cila përgatitet shumë shpejtë dhe nuk ka nevojë të piqet – është ideale për të gjitha rastet.

Është e mrekullueshme për të gjithë ata që pëlqejnë përbërjen e butë dhe kremoze. Mund të përgatitet edhe në variantin me fruta por edhe me çokollatë.

Përbërësit:

  • 500 gr. krem pluhur (shllag)
  • 6 dl ujë mineral nga frigoriferi
  • 300 gr. biskota të bluara
  • 300 gr. fruta ose krem banana
  • 1 qese kapuçino vanilje ose 3 lugë eurokrem (nutella)
  • 200 gr. krem pluhur
  • 5 dl ujë mineral

Përgatitja:

Përzieni 500 gr. krem pluhurin me ujë mineral të ftohtë dhe ndajeni në tri pjesë. Në pjesën e parë hidhni biskotat e bluara dhe këtë masë vëjeni në një enë apo tepsi deri sa të marrë formën e pandispanjës. Në pjesën e dytë shtoni frutat sipas dëshirës ose krem banana.

Këtë përzierje hidheni mbi pandispanjën. Në pjesën e tretë shtoni ose kapuçinon ose nutellën dhe hidheni mbi pjesën paraprake. Përzini 200 gr. krem pluhur me 1.5 dl ujë mineral dhe mbulojeni tërë ëmbëlsirën me këtë masë. Lëreni tortën të ftohet në frigorifer dhe shërbejeni më pas.

kosovarja.ch