Një studim i fundit i qelizave burimore ka treguar që SARS-CoV-2, mund të infektojë qelizat e zemrës përmes të njëjtit receptor (ACE2) të pranishëm në mushkëri. Kjo mund të jetë përgjegjëse për komplikimet kardiake të shoqëruara me COVID-19.
Ekspertët fillimisht menduan se COVID-19 ishte një sëmundje e frymëmarrjes, me simptoma përfshirë kollën, gulçim dhe pneumoni. Sidoqoftë, provat më të reja të COVID-19 tregojnë se sëmundja gjithashtu mund të shkaktojë simptoma neurologjike dhe kardiake shkruan MedicalNewsToday.
Mjekët kanë raportuar ndryshime në sistemin e qarkullimit të gjakut tek njerëzit me COVID-19, ndonjëherë duke çuar në mpiksje të gjakut, si dhe komplikime kardiake, të tilla si ndryshime në ritmin e zemrës, dëmtim të indeve të zemrës dhe sulme në zemër.
Në një studim të ri që shfaqet në revistën ‘Cell Reports Medicine’, shkencëtarët kanë treguar që SARS-CoV-2 mund të infektojë qelizat e zemrës dhe të ndryshojë funksionin e tyre.
Gjetjet e tyre, nga eksperimentet në qelizat burimore të njeriut, sugjerojnë se simptomat kardiake të COVID-19 mund të jenë rezultat i drejtpërdrejtë i infeksionit të indeve të zemrës.
