Kur unë gjej diçka, ata më thonë ta mbajë nëse e dëshiroj. Nëse dua të raportoj, kjo është puna ime, por unë nuk e kam patjetër taraportoj, u ka thënë policisë kjo grua.
Tingëllon e pabesueshme, por hajduti më i aftë dhe i organizuar si bandë kriminale, e cila shkatërron aeroportet është fuqia e një gruaje.
Ajo ka zbuluar si të fitojë pasuri të hatashme në aeroportet amerikane së bashku me bandën e saj. Kjo grua, e cila është nën hetim, tha se duke pastruar aeroplanet ka fituar një pasuri të tërë në saje të udhëtarëve të pakujdesshëm, që i mundësuan asaj dhe familjes një jetë më të mirë.
Policia beson se kjo është anëtare e bandave më të mëdha të krimit të organizuar që vjedhin aeroportet në Amerikë, në të cilën hetimi përfshin edhe mekanikë, si dhe personel tjetër të aeroportit. Edhepse gruaja e pranoi që duke pastruar avionin, ka gjetur një tablet të cilin e ka marrë, prap se prap hetuesit besojnë se kjo është vjedhje e një shkalle të lartë. Në veprimet e saj, ajo nuk sheh ndonjë problem të mundshëm.
“Unë mendoj se, nëqoftëse është në rregull që ndokush ta marrë, pse nuk mundem edhe unë të marr nëse gjej ndonjë send të shtrenjte?”, i tha gruaja policisë. “Kur unë gjej diçka, më thoni se më lejohet ta mbaj atë, dhe nëse unë dua ta raportoj, kjo është puna ime, por jodomosdoshmërisht e kam patjetër ta raportoj”, i shpjegoi gruaja policisë për gjërat e gjetura në aeroplan.
Ajo tha se shpesh herë gjen gjëra me vlerë në ulëset e aeroplanit dhe meqenëse pastrimi bëhet pa kontrollin e kamerave, nuk është ndonjë problem për ti marrë këto gjëra në shtëpi.
“Kam marrë gjëra sepse ishte shumë e lehtë për ta bërë. Çdo ditë pasagjerët lënë gjëra me vlerë, dokumente, të holla, pajisje elektronike, lodra. Kryesisht janë IPad dhe pjesë tjera elektronike”, ka pohuar gruaja. Hetuesit theksojnë se vjen deri tek kjo dukuri e grabitjes, si pasojë e pagave të ulëta të personelit punonjës. Por, problemi më i madh është se vjedhja mund të ndodhë edhe kur pasagjerët janë ende në aeroplan ose aeroport. Kohët e fundit, numri i vjedhjeve është rritur shumë, si nga punonjësit ashtu edhe nga udhëtarët.
Policia vë në dukje se vjedhjet më të mëdha bëhen në elektronikë, çanta dore dhe vjedhja e të hollave. Vjedhjet më të mëdha janë regjistruar në vendet aziatike, ku edhe besohet se ekziston rrjet i organizuar kriminal.
Nëse dëshironi që gjërat tuaja ti mbani të sigurtë, policia rekomandon që gjërat e vlefshme ti mbani afër vetes apo ti vendosni nën ulësen pranë jush, kështu që mund ti hidhni një sy gjatë tërë kohës. Çantat e dorës pajetër ti mbani me vete, edhe nëse shkoni në tualet.