17 C
Priština
20.8 C
Zürich
More

    Zgjidhje natyrale në luftën kundër zbokthit

    spot_imgspot_img

    Studimet tregojnë që çdo i pesti person është në luftë me zbokthin. Shkaktarë të kësaj dukurie më së shpeshti janë stresi, mungesa e vitaminës B dhe numri i madh i gjëndrave dhjamore aktive, por edhe një lloj kërpudhe e cila ushqehet me vajin natyral të lëkurës. Zgjidhja efikase në luftën kundër zbokthit fshihet në natyrë.

    1. Uthulla e mollës – është e njohur për vetitë e saja antibakteriale, për të cilën arsye është patjetër një ndihmues në luftën kundër zbokthit. Bëjeni një preparat nga uthulla e mollës duke përzier atë me ujë, në proporcion të njejtë (50% uthull molle – 50% ujë). Lajeni kokën me këtë përzierje dhe lëreni për një natë. Të nesërmen, lajeni kokën thellësisht me një shampon të lehtë. Në rast se keni lëkurë të ndjeshme, në një shishe prej gjysëm litre, përzieni një decilitër uthull dhe pastaj pjesën e mbetur mbusheni me ujë të ngrohtë. Pasiqë t’i keni larë flokët, përzierjen e fituar lehtësisht derdheni në kokë dhe lehtësisht filloni ta shpërndani me gishta në lëkurën e kokës dhe pastaj shpërlajeni.

    2. Vaj kokosi – Përmban proteina thelbësore që janë të nevojshme për rritjen e flokëve, kurse përdorimi i rregullt mund që të forcojë flokun dhe të zvogëlojë problemet me zbokthin, të cilës i ndihmon edhe veprimi antistresues që ka ky vaj në përbërje. Për shërimin e zbokthit, gjysmë ore para larjes së flokëve me shampon, derdhni dy lugë vaj kokosi në flokë dhe shpërndajeni me gishta në lëkurë të kokës. Këtë veprim përsëriteni së paku tri herë në javë.

    3. Ruzmarina – Fletët e ruzmarinës përdoren prej shekujve si bar natyror, kurse studimet kanë treguar se ruzmarina stimulon rritjen e flokëve dhe ndihmon në rimëkëmbjen e fijeve të flokëve, duke përmirësuar qarkullimin, zhkatërron kërpudhat dhe largon yndyrën në flokë. Grimconi tri deri në katër degë ruzmarine, hudhni në një litër ujë të vluar dhe lejini të qëndrojnë për 24 orë. Pastaj, me sitë ndajeni lëngun prej masës së fortë. Mbusheni një shishe me spërkatës. Pas çdo larjeje shpërkatni flokët në të gjitha anët dhe mos i shpërlani.

    4. Menta – Vaji i fletëve të mentës është jashtëzakonisht i shëndetshëm dhe ndikon në rimëkëmvjen e rrënjëve të fijeve të dëmtuara dhe e qetëson regjionin e irrituar. Holloni 3 pika të vajiti eterik të mentës në 10 mililitra të vajit bazik (psh vaj argani – vaj maroken, e cila nuk i bën flokët me yndyrë), përzieni mirë dhe derdhini në një enë qelqi. Shpërndajeni përzrierjen në flokë dhe bëni masazh 10-15 minuta, njëherë në javë, dhe pastaj lajeni kokën me një shampon të lehtë.

    Kjo temë është përgatitur nga Rrjeti i Studiove të Bukurisë PASSION.

    Shpërndaje postimin:

    spot_imgspot_img

    Të popullarizuara

    spot_imgspot_img

    Artikuj të ngjajshëm
    Artikuj të ngjajshëm

    Dëshironi të vraponi më shpejt, ndiqni këto tri këshilla

    Të gjithë e kemi dëgjuar frazën se duke e...

    Dëgjoni këto këngë për seks të ngadaltë dhe sensual

    Muzika mund të ndikojë në dëshirën tonë seksuale. Kështu...

    Çfarë është shtatzënia ektopike?

    Një shtatzëni ektopike mund të jetë një ngjarje shkatërruese...

    Pesë shënjat më manipuluese të horoskopit

    Në varësi të shenjës së zodiakut, disa njerëz mund...