21.7 C
Priština
More

    Vitaminat dhe mineralet më të rëndësishme për meshkujt

    spot_imgspot_img

    Një përqindje e lartë e djemve dhe burrave në ditët e sotme vuajnë nga mungesa e të paktën një vitamine apo ushqyesi të rëndësishëm.

    Kjo mungesë i atribuohet kryesisht ushqyerjes së keqe me pak fruta dhe perime.

    Studimet tregojnë se të paktën 77 përqind e meshkujve nuk marrin mjaftueshëm magnez, vitaminë D apo B12.

    Vitamina D3

    Meshkujt kanë nevojë për vitaminën D3 për prodhimin e testosteronit, kockat, shëndetin e trurit, luhatjet e humorit, kolesterolin dhe tensionin e gjakut.

    Meshkujt që nuk marrin mjaftueshëm vitaminë D3 janë 80 përqind më të prirur të vuajnë nga një atak në zemër.

    Kjo vitaminë merret nga ekspozimi në diell por edhe nga vezët, disa produkte bulmeti dhe kërpudhat

    Vitamina B12

    Mungesa e kësaj vitamine mund të shkaktojë plogështi dhe probleme nervore.

    Vitamina B12 meret nga proteinat shtazore, në veçanti nga mishi i qingjit, viçit dhe salmoni.

    Vitaminat A, C dhe E

    Këto vitamina me fuqinë e antioksidantëve nuk prodhohen dot nga trupi por merren nëpërmjet ushqimeve si spinaqi dhe barishtet e tjera të egra.

    Me kalimin e moshës, këto vitamina parandalojnë mutacionin qelizor, mbrojnë shikimin, imunitetin e forcojnë shëndetin.

    Vitamina K

    Vitamina K është e rëndësishme për kockat, gjakun dhe parandalimin e sëmundjeve të zemrës.

    Mungesa e kësaj vitamine vërehet më shumë tek meshkujt që nuk konsumojnë rregullisht perime apo produkte të bulmetit.

    Vitamina K gjendet tek perimet e gjelbra dhe ato të bulmetit.

    Magnezi

    Ky mineral është thelbësor në parandalimin e tensionit të lartë të gjakut, kontraktimeve muskulore, dhimbjeve të kokës dhe sëmundjeve të zemrës.

    Mungesa e magnezit ndikon direkt tek gjumi dhe shkakton ankth dhe konstipacion.

    Gjendet te tërshëra, spinaqi, farat e kungullit, farat e linit, avokado.

    Acidet yndyrore Omega-3

    Acidet yndyrore omega-3 janë të rëndësishme sepse luftojnë inflamacionin në trup.

    Ato gjenden tek salmoni, sardelet, peshku ton, vezët, arrorët dhe farat.

    Trupi i njeriut ka nevojë për ekuilibrat e duhur të acideve yndyrore omega-6 dhe omega-3 për të mbrojtur zemrën, trurin dhe imunitetin.

    Kaliumi

    Niveli i ulët i kaliumit në organizmin e një mashkulli rrit rrezikun e sëmundjeve kardiovaskulare.

    Një mungesë e tillë dobëson kockat, plogështon metabolizmin, dobëson tretjen dhe muskujt.

    Kaliumin e gjeni tek fasulet, avokado, patatja e ëmbël, bananet dhe salmoni.

    Shpërndaje postimin:

    spot_imgspot_img

    Të popullarizuara

    spot_imgspot_img

    Artikuj të ngjajshëm
    Artikuj të ngjajshëm

    Pushimet shijojnë më shumë me Prime Travel

    Ndërsa ditët e diellit të gushtit i lënë butësisht...

    Dëshironi të vraponi më shpejt, ndiqni këto tri këshilla

    Të gjithë e kemi dëgjuar frazën se duke e...

    Dëgjoni këto këngë për seks të ngadaltë dhe sensual

    Muzika mund të ndikojë në dëshirën tonë seksuale. Kështu...

    Çfarë është shtatzënia ektopike?

    Një shtatzëni ektopike mund të jetë një ngjarje shkatërruese...