Mëngjesin e së enjtes, ka ndërruar jetë këngëtarja, kompozitorja e gazetarja e njohur, Violeta Rexhepagiqi.
Ende nuk dihet shkaktari i vdekjes së Rexhepagiqit. Sipas policisë së Kosovës, ajo është gjetur pa shenja jete në shtëpi ndërsa njësitet policore në koordinim me Prokurorin e shtetit, janë duke ndërmarrë të gjitha veprimet e nevojshme lidhur me këtë rast.
E ndjera do të mbahet mend për stilin e saj unik të cilin e transmetoi përmes muzikës e modës. Fillimisht kishe kënduar në grupin “Vivien”, bashkë me Iliriana Rizën, ndërsa më pas vazhdoi karrierën e vetme. Ndër këngët e saj më të njohura janë “Romantika”, “Në Egjipt”, “Vjollcat” e shumë të tjera.
Violeta e cila së fundmi punonte në televizonin publik të Kosovës (RTK), ka lënë shenjë me kontributin e saj edhe në fushën e gazetarisë. Ajo punoi për Sky Neës, raportoi nga lufta e Gjirit Persik e luftërat e ish – Jugosllavisë.
Violeta është motra e Armend Rexhepagjiqit.
