Familja e regjisorit me famë botërore,Steven Spielberg, ka një arsye të madhe për të festuar këtë fundjavë: Destry Allyn Spielberg është fejuar.
Vajza më e vogël e tij dha lajmin personalisht në mediat sociale të premten, duke konfirmuar se shumë shpejt do të martohet me shqiptarin Genc Legrand.
“Jam fejuar!!!”, njoftoi 23-vjeçarja Spielberg në Instagram.
“Jam shumë e lumtur që do ta kaloj jetën me mikun tim më të mirë! Kjo është dita më e mirë që kam kaluar ndonjëherë! Të dua kaq shumë egrandgenc!!!”
Po kush është Genc Legrand?
Ai është një aktor me origjinë nga Tetova, i lindur në Zvicër, dhe i diplomuar në programin dyvjeçar konservator në Institutin e Teatrit dhe Filmit Lee Strasberg.
Dyshja kanë mbi 2 vjet që janë lidhur bashkë.
