Kjo pjatë me ngjyra të bukura është e freskët dhe shumë e shijshme! Ajo shërbehet si pjatë e parë, por mund të shijohet dhe si sallatë. Por pse jo, edhe si një aperitiv fantastik. Mund ta shoqëroni me feta kastraveci, bukë të thekur apo patate të prera hollë dhe të pjekura.
Përbërësit: 300 gr fileto salmoni, 1 lugë kafeje mustardë, pak rukola dhe spinaq gjethevogël, 1 limon, 2 kastravecë turshi, 1 qepë e njomë, 50 ml vaj ulliri, pak kripë, pak piper.
Përgatitja
Në fillim, presim salmonin në kube të vogla dhe e vendosim në një enë. Aty shtojmë qepën e grirë hollë, mustardën, kripën, piperin, vajin e ullirit, lëngun e limonit, kastravecët turshi të grirë hollë.
Fillojmë dhe i përziejmë mirë dhe me kujdes.
Më pas, i lëmë të marinohen për 15 minuta. Nisim i dekorojmë në pjatë, duke shtuar rukolën dhe spinaqin sipër. Në fund, i hedhim pak kripë, limon dhe vaj ulliri për shije.
Burimi: Albanianpost.com
