Përbërësit:
1 gotë miell të bardhë
1 ¼ gotë miell integral
1 lugë çaji kripë
½ gotë gjalpë të ftohtë
1 vezë
5 lugë ujë të ftohtë
Për mbushjen:
2 purri të prera në rrathë dhe pak të fërguar me kripë dhe piper të zi
3 domate të prera në rrathë
Djath sipas dëshirës
Kripë dhe piper të zi
Ullinj
Majdanoz
Vaj ulliri
Përgatitja:
Në një tas të madh, bëni bashkë dy llojet e miellit, kripën, gjalpën, vezën dhe ujin e ftohtë.
Me duar përzieni mirë deri sa të krijoni një masë të shkrifët.
Më pas vendoseni në tavolinë, spërkateni me miell dhe krijoni një top.
Mbulojeni me folje najloni dhe futeni në frigorifer nga 30 minuta deri në disa orë (gjatë tërë natës).
Më pas në sipërfaqe të rrafshët me miell, rrokulliseni brumin dhe hapeni në formë rrethore.
Shtrojeni në enën për prejkje (24 cm).
Lehtë shtypeni në qoshet dhe brumin mbulojeni me letër për pjekje. Sipër vendosni fasule ose oriz për të krijuar peshë që të mos fryhet brumi gjatë pjekjes.
Pas 20 minutave, hiqini fasulet dhe letrën dhe kthejeni një furrë për 10 min të tjerë.
Furra duhet të jetë e nxehur paraprakisht në 220 gradë celcius.
Pas pjekjes, mbi vendosni purritë, djathin e coptuar, domatet dhe sëeish djathë, spërkateni me pak vaj ulliri dhe piper të zi.
Futeni në furrë edhe për 5 minuta, deri sa të shkrihet djathi.
Sipër vendosni ullinj dhe majdanoz ose borzilok.
