Patatea është një produkt ushqimor i cili është i pasur me vitaminë C, niacin, Vitaminë B6, acid Pantothenic, Thiamine, folate, kalium magnez, fosfor, hekur, mangan dhe kalcium. Ushqimet nga patatet janë bërë pjesë përbërëse e ushqimit tonë të përditshëm për shumë arsye: patatet janë të lehtë për t’u rritur, ka një fitim të lartë, çmime të arsyeshme, si dhe mund të përgatitet në mënyra të ndryshme. Më poshtë e kemi paraqitur një recetë interesante për patate të mbushura.
Përbërësit:
- 1kg patate
- 2 domate
- 1 spec e kuqe
- 1 spec jeshil
- 50 gram proshutë
- 100 gram djath të freskët
- 100 gram mozzarela
- Majdanoz
- Gjysmë qepe të kuqe
Përgatitja:
Lani mirë patatet dhe i zieni në ujë të kripur për 30 minuta. Lereni që të ftohen dhe me lugë e gërmoni duke bërë vendin për mbushje. Mbushja përgatitet ashtu që në vaj të nxehtë e vëni qepën e kuqe të copëtuar imët, dhe pas pak minutash, shtoni specat e copëtuar imët (të kuqen dhe të gjelbër), proshutën, kripën, piperin dhe majdanozin. Lërini pak minuta për tu ngrohur duke e përzier pa ndërprerë. Kur mbushja të ftohet shtoni djathë, domate të prera imët në feta, të gjitha këto i përzieni me kujdes dhe i mbushni patatet. Rrënditëni në një enë dhe futeni në furrë të ngrohtë në 180°C për rreth 20 minuta.
Kënaquni shëndetshëm!
Foto: kuzhinashqiptare.com
