Shampoja ngjyrë vjollcë është një nga produkte e domosdoshme që çdo bjonde duhet të ketë. Nëse nuk jeni një bjonde natyrale, atëherë duhet të dini se ky është produkti magjik që do të parandalojë shplarjen e bojës brenda pak javësh.
Shampot dhe balsamët në ngjyrë vjollcë parandalojnë hijet e bakrit dhe të kuqes, nuanca që asnjë bjonde nuk i dëshiron.
Duke qenë se lejlaja është ngjyra e kundërt në spektrin e ngjyrave me të verdhën bën të mundur korrektimin e kesaj ngjyre duke parandaluar çdo ton tjetër.
Jeta nuk është e vështirë vetëm për bjondet, pasi edhe brunet kanë nevojë për një produkt që t’i ruajë bojën e flokët të mos dëmtohen nga kjo e fundit.
Ekspozimi ndaj diellit oksidon ngjyrën dhe kjo është arsyeja përse flokët në tonalitetet e çokollatës fillojnë të çelen e të marrin nuance të ndryshme pas disa javësh.
Brunet do të kenë nevojë për shampon ngjyrë blu e cila ruan pigmentin e errët të flokëve, e nuk e lë të “shplahet” brenda një kohe të shkurtër.
Efekti do të jetë i njëjti si me shampon lejla tek bjondet. Pigmenti blu do të parandalojë zhvillimin e nuancave te bakrit, duke ruajtur ato të çokollatës së errët dhe të zezës.
Mund ta filloni duke e përdorur një herë në jave e pas disa javësh mund ta përdorni edhe më shpesh.
Shampon duhet ta lini në flokë të veprojë nga 3 minuta deri në 10 në varësi të nevojave! Mos u shqetësoni per pigmentin blu , sepse nuk depërton në flokë.
Burim: Living
