Ky problem i pakëndshëm ndodh më shpesh në muskulin e pulpës, por mund të ndodhë edhe në shtrakun e pasmë ose të këmbës.

Spazma dhe dhimbja që e shoqëron atë mund të zgjasin nga disa sekonda deri në disa minuta dhe zakonisht zgjasin më shumë sa më shumë që muskujt të jenë të pozicionuar – në muskujt e kofshës do të zgjasin më shumë sesa në këmbë.

Rreth 25 për qind e njerëzve përjetojnë ngërçe në këmbë gjatë natës. Ekspertët shpjegojnë se kjo ndodh kur truri dërgon një sinjal për të lëvizur, por që “ngatërron” gjatë rrugës dhe muskujt tkurren më shpejt ose më shumë sesa ishte menduar.

Ky sinjal “i ngatërruar” bëhet më i shpeshtë me kalimin e viteve dhe një fakt interesant tregon se kërkimet në internet në lidhje me ngërçet e këmbëve rriten për 70% në verë.

“Ne e dimë që ngërçet nuk janë problem i vetë muskujve, por i qelizave nervore dhe i sinjaleve që rregullojnë lëvizjen, por askush nuk e di saktësisht pse ndodh kjo. Neuronet motorike dërgojnë sinjale shumë më shpejt sesa kur përpiqemi të bëjmë një lëvizje të vetëdijshme, e cila bën që muskuli të kontraktohet më shpejt ose më intensivisht”, shpjegoi Dr. Scott Garrison, profesor në Universitetin Alberta.

Një teori thotë se lodhja dhe dehidrimi janë fajtorë për ngërçet në këmbë.

“Mungesa e ujit në trup çon në mungesë të natriumit, i cili shkakton ngërçe. Ka të dhëna sipas të cilave ata që djersinë më shumë, përjetojnë më shumë ngërçe”, thekson ai.

“Teori të tjera thonë se neuronet motorike vdesin ndërsa plakemi dhe se trupi përpiqet t’i zëvendësojë ato me të reja. Meqenëse marrim më shumë vitaminë D nga dielli në verë, e cila stimulon rritjen e këtyre qelizave nervore, është e mundur që më shumë rritje të thotë më shumë ngërçe”, deklaron Dr. Jeffrey Aldus, pedagog në Universitetin e Bedfordshire.

Ne duhet, para se të shkojmë në shtrat, të pimë ujë por të pasuruar me minerale dhe elektrolite, në mënyrë që të zvogëlojmë mungesën e natriumit.

“Kur një ngërç ju godet, e vetmja gjë që do t’ju ndihmojë vërtet është shtrirja. Kapni gishtërinjtë e këmbës ose të gjithë këmbën dhe tërhiqni drejt gjurit tuaj”, shpjegoi fizioterapistja Katie Nepton. Ajo shtoi se masazhi ndihmon gjithashtu, por që shtrirja është mënyra më e mirë për të prerë ngërçin.