Neve na pëlqen palestra mirëpo kjo nuk do të thotë se vetëm atje duhet harxhuar kaloritë, mund të harxhoni kalori pa e vërejtur fare. Një nga fshehtësitë për të qëndruar në formë janë ushtrimet e vogla gjatë ditës, që nuk janë sikur ushtrimet e rregullta por prap djegin kaloritë e tepruara. Kjo nuk do të thotë të lëni anash palestrën por ju tregon se ushtrimet e vogla janë një përmirësues i shëndetit tuaj, të cilin pasi e bëni përditshmëri nuk e vëreni fare.
Varësisht prej rrethanave, disa prej këtyre ideve nuk do ju pëlqejnë andaj zgjidhni të duhurën.
Bëni fitnes nga vetëdijësimi
E lëmë këtë të parën sepse motoja e këtij prioriteti ka si qëllim ushtrimet. Nëse jeni të vetëdijshëm për beneficionet e ushtrimeve fizike, sigurisht që do arrini të kontrolloni kaloritë.
Ngjitni shkallët.
Pranojeni se nga fillimi e keni ditur se kjo do të jetë njëra nga mënyrat, posaçërisht nëse punoni në ambient të mbyllur. Një person që peshon rreth 70 kg, do të humb 150 kalori nëse zgjedh shkallët.
Përdorni shkallët lëvizëse për mirë
Derisa jeni në shkallë lëvizëse, mund të ngjiteni në ndërkohë. Ashtu edhe arrini më shpejtë, edhe keni humbur ca kalori.
Ngrituni , rrini në këmbë dhe filloni të ecni.
Këto ditë kalojmë shumë kohë të ulur mbi prapanicë: në zyrë, para TV-së ose para kompjuterit. Në këtë rast një ushtrim i vetëm nuk ka aspak efekt në ditën tuaj 24 orëshe. Ngritja në këmbë ju ndihmon në qarkullimin e gjakut, mirëpo levizja brenda zyrës harxhon 3- 5 herë, kalori tepër.
Loja me ngacmime mes shokëve
Nëse ngacmoheni në punë me kolegët keni mundësi të humbisni 350 kalori dhe do të rrini 150 minuta ulur më pak.
Ecni apo shkoni me biçikletë deri në punë
Do të mund të mbani kaloritë nën kontroll në të nejtën kohë që kontriboni për një botë më të pastër. Nëse jeni shfrytëzues i transportit publik, mund të zgjoheni më herët dhe të ecni pjesën tjetër të rrugës.
Bëni fshehurazi ca ushtrime
Bëhuni gati të dukeni qesharak, dhe tentoni që të bëni pompa, ushtrime barku apo ngritje me karrikë etj.
Kaloni më shumë kohë me fëmijët tuaj
Apo edhe me kafshët shtëpiake në vend të tyre, nëse i keni të dyja atëherë harxhoni dyfishin e kalorive.
Bëhuni aktiv gjatë drekës
Shumica e njerëzve që janë në orar të punës 8 orësh mund t`ia lejojnë vetes një ushtrim prej 30-45 minutash.
Aktivizohuni në punët shtëpiake
Bëhuni entuziaste sepse lëvizjet përgjatë punëve të amvisërisë mund të ju djegin kaloritë. Shikoni ato si një gjë të hareshme sepse jeni më në formë ashtu…
Ushtroni këmbët përderisa lani dhëmbët
Ushtroni këmbët gjatë fërkimit të dhëmbëve me furçë, duke bërë ulje të rregullta deri në gjunj.
Përdorni kohën e reklamave
Së pari, në qoftë se duhet të shikoni TV atëherë nuk është patjetër të rrini shtrirë mbi divan. Të paktën kur janë reklamat, përdorni pauzën të bëni ca lëvizje.
Këto janë disa nga mënyrat e mundshme për të djegur kaloritë.
