14.8 C
Priština
More

    Kripa e detit kundër asaj të kuzhinës

    spot_imgspot_img

    Megjithëse në 10 vitet e fundit shquhet për reputacionin e keq kur bëhet fjalë për ndikimin e shëndetit, së fundmi gjithnjë e më shumë flitet për rëndësinë e natriumit (sodiumit) në të ushqyerit tonë. Në vazhdim do të cekim se cila kripë është më e mirë, kripa e detit apo ajo e zakonshme.

    Disa studime pohojnë se natriumi është shumë i rëndësishëm për shëndetin tonë. Ajo lidhet me rregullimin e presionit të gjakut dhe lëngjeve trupore, transmetimin e impulseve elektrike në mes trurit dhe qelizave të sistemit nervor, nxitjen e aktivitetit të zemres, madje përshpejtimin e metabolizmit.

    Mesatarja që një person mund të konsumojë natrium është 3.3 gramë, kryesisht nëpërmejt kripës. Doza ditore e natriumit që rekomandohet nga ekspertët është 2.3 gr. ndërsa për ata që janë më të vjetër se 51 vjeçë e që vuajnë nga diabeti, presioni i lartë i gjakut dhe sëmundjet e veshkave, rekomadohet doza me 1.5 gr. nga ana tjetër, ka njerëz që vuajnë nga mungesa e natriumit apo sodiumit në trup.

    Problemi më i madh për shëndetin tonë është natriumi të cilin e sjellim përmes kripës së kuzhinës, e cila gjendet në ushqimet industriale të përpunuara. Shumë shoqata mjekësore theksojnë se shumë vdekje shkaktohen nga sëmundjet e zemres dhe do t’i kishim parandaluar sikur kripa të reduktohej në vetëm 2 gr. në ditë.

    Ajo që është më e rëndësishme është të dini të zgjedhni llojin e drejtë të kripës si dhe sasinë e duhur për trupin tuaj. Kur ne marrim sasi të tepërta të natriumit, në qelizat tona grumbullohen lëngje të shumta të cilat shkaktojnë tension të lartë. Thjeshtë, duke eliminuar ushqimet e përpunuara industrialisht, do të arrihet deri në zvogëlimin e natriumit në sasi të shëndetshme. Por kjo nuk është e gjitha, tregimi vazhdon edhe me ndryshimin e rëndësishëm nga kripa e thjeshtë e kuzhinës tek ajo e detit.

    Në të kaluarën, paraardhësit tanë e kanë përdorur në formën e saj natyrore, ndërsa sot kripa është e pasur me klorur natriumi dhe kalium të ulët gjë që mund të jetë kombinim shumë i keq për shëndetin. Ky kombinim rrit rrezikun e sulmit në zemër dhe infarktin. Nëse konsumoni ushqime që janë të pasura me kalium si: bananja, fasulja dhe perimet e gjelbërta, do të mbani ekuilibër të mirë të natriumit në trup.

    Kripa e kuzhinës gjendet kryesisht në thellësitë e tokës dhe patjetër duhet që të përpunohet në mënyrë industriale për shkak të mineraleve tjera, ndërsa kripa e detit është shumë më pak e përpunuar dhe përmban shumë minerale, shumica e të cilëve janë shumë të mirë për shëndetin tonë. Kripa e detit, edhepse nuk përmban minerale si kalciumi dhe magnezi gjithsesi mban një mori tjera të mineraleve që janë të shëndetshëm për organizmit tonë.

    Arsyeja pse shumica e njerëzve përdorin kripën e kuzhinës është Jodi, por edhe kjo nuk është një arsye e mirë. Përbërësit si hudhra, spinaqi, fasulja, algjet e detit, kungulli, susami, ananasi, dardha, pjeshka dhe soja e papërpunuar mund të sjellin sasi të mjaftueshme të jodit, kështuqë mund ta zëvendësojnë atë.

    Prodhuesit e kripës së kuzhinës përdorin aditivë të ndryshëm. Në disa paketime të kripës janë hasur edhe ca grimca të sheqerit. Për të gjitha këto arsye që u përmendën, ekspertët rekomandojnë përdorimin e kripës së detit në vend të asaj të kuzhinës, megjithëse është pak më e shtrenjtë.

    Shpërndaje postimin:

    spot_imgspot_img

    Të popullarizuara

    spot_imgspot_img

    Artikuj të ngjajshëm
    Artikuj të ngjajshëm

    Pushimet shijojnë më shumë me Prime Travel

    Ndërsa ditët e diellit të gushtit i lënë butësisht...

    Dëshironi të vraponi më shpejt, ndiqni këto tri këshilla

    Të gjithë e kemi dëgjuar frazën se duke e...

    Dëgjoni këto këngë për seks të ngadaltë dhe sensual

    Muzika mund të ndikojë në dëshirën tonë seksuale. Kështu...

    Çfarë është shtatzënia ektopike?

    Një shtatzëni ektopike mund të jetë një ngjarje shkatërruese...