27.4 C
Pristina
26.6 C
Zurich
More

    Këshilla dimërore për shtatzëna

    spot_imgspot_img

    Kjo periudhë dimërore-festive për shumë shtatzëna paraqet gëzim të posaçëm karshi përgatitjeve për festa në pritje janë edhe momentet më të bukura të jetës së tyre. Pa marrë parasysh këtë gëzim, ja disa këshilla të cilave do të duhet t’u përmbahen të gjitha shtatzënat.

    Festat para fitimit të bebes së parë do të jenë gjithsesi ato që më së shumti do t’i mbani mend duke llogaritur edhe  ato që do t’i festoni me vogëlushët tuaj. Për shkak të gëzimit të madh dhe përgatitjes për festa duhet të jeni në stres, por me këshillat tona këtë do ta kaloni lehtë.

    Duke marrë parasysh që fundi i dhjetorit dhe fillimi i janarit kanë disa ditë pushimi, gjithsesi në fillim të euforisë së pushimeve caktoni një vizitë tek gjinekologu i cili do të ju vërtetojë që cdo gjë është në rregull dhe të ju jap këshilla cfarë ju pengon, dhe cafrë nuk do të duhet të bëni për festa.

    Nëse festat i keni planifikuar ti kaloni diku larg nga shtëpia juaj merrni parasysh faktin që për shtatzëna udhëtimi nuk rekomandohet pas javës të 32. Nëse rrugën nuk mund ta shmangni asesi as në këtë periudhë atëherë shikoni që destinacioni të mos jetë shumë i largët dhe të mos rrini më shumë se dy orë në një vend.

    Nëse jeni shtatzënë më pak se 32 javësh dhe po shkoni në rrugëtim në qytet tjetër, gjithsesi merrini me vete analizat e shtatzënisë që rast të ndonjë komplikimi. Paraprakisht, në internet kërkoni ku gjinden ambulantat në qytet apo në vendin që po vizitoni dhe çfarë orari kanë për festa.

    Pasi që periudha e dimrit është e paparashikueshme kur janë në pyetje kohët jo të mira, sa më shumë kohë kaloni në vende të mbyllura dhe mos shëtisni në terrene të panjohura.

    Punët e vështira dimërore që ndoshta me kënaqësi i keni bërë, si fshirja e borës, këtë vit lërjani dikujt tjetër dhe mos çoni asgjë më të rëndë se pesë kilogram.

    Blerja në moment të fundit në vende me plot njerëz nuk rekomandohet për shtatzëna, edhe për shkak të kohës që do të kalojnë duke ecur, por edhe për shkak se nga shumë njerëz që janë aty mund të lëndosh barkun. Për fat blerja përmes internetit është shumë e popullarizuar edhe në regjionin tonë dhe kështu dhuratat për të dashurit tuaj mund ti blini në këtë mënyrë.

    Nëse dëshironi të përgatisni darkë për familjen tuaj shikoni që disa ditë më herët të përgatisni ushqime të cilat mund të bëhen më herët. Kurrsesi mos e kaloni gjithë ditën në këmbë duke zier sepse kur qëndroni gjatë në këmbë mitra i jep tension venave dhe vështërson gjakun deri në zemër dhe kështu mund të rris rrezikun për mundime të kohë pas koheshe.

    Gjatë festave shmanguni mbathjes së këpucëve që kanë taka më të larta se 5 cm, sepse në këtë mënyrë do të vështirosni më shumë mbajtjen e shpinës dhe vështirë do të mbani baraspeshën dhe kështu mund të shkaktoni rënie, e këtë kurrsesi nuk e dëshironi në shtatzëni.

    Ruajuni cfarë hani në mbledhjet festive. Shmangni të hani ushqime që në vete përmbajnë vezë, mish apo peshk.

    Dhe për fund ju këshillojmë që sa më shumë të fotografoheni sepse këto janë festat e fundit të cilat do ti festoni pa bebe dhe këto fotografi në të ardhmen do ju mbesin kujtim shumë i mirë. /kosovarja.ch/

    Shpërndaje postimin:

    spot_imgspot_img

    Të popullarizuara

    spot_imgspot_img

    Artikuj të ngjajshëm
    Artikuj të ngjajshëm

    Këto cilësi të mashkullit, vlerësohen më shumë nga një femër

    Të gjithë meshkujt mendojnë që femrat janë të interesuara...

    Reduktimi i kripës dhe ndikimi në organizëm

    Kripa është pjesë e rëndësishme e dietës suaj kur...

    12 shenja që tregojnë se partneri ju dashuron çmendurisht

    Dashuria e vërtetë nuk është se vetëm ndjehet, por...

    8 mënyra për të rikthyer besimin tek vetja para çdo takimi të parë

    Nuk ka rëndësi sa takime të reja keni bërë...