Pelenat e foshnjes suaj duhet të ndërrohen 7 deri në 8 herë në ditë. Prapanica delikate e një foshnjeje mund të irritohet lehtësisht nga kontakti me jashtëqitjen dhe urinën apo nga fërkimi me pelenat, andaj ju duhet kujdes i veçantë çdo herë që i ndërroni pelenat. Ja disa këshilla se si të mirëmbani lëkurën delikate dhe të ndjeshme të foshnjes suaj.
- Përgatituni për gjithçka që keni nevojë paraprakisht: pelena, fasha pambuku, produkte pastrami, kremë e tj.
- Ndërroni pelenat e foshnjes suaj menjëherë posa të ketë jashtëqitje, mundësisht pas vakteve të ushqimit. Të posalindurve u duhet të ndërrohet pelena më shpesh për shkak të urinimit dhe jashtëqitjes së shpeshtë.
- Përzgjedhni madhësinë e duhur të pelenave, nëse pelena është më e vogël atëherë krijon fërkim që e irriton lëkurën.
- Kur jeni e gatshme të ndërroni pelenat, vendoseni foshnjen në një peshqir të pastër, hapeni pelenën, pastrojeni prapanicën, paloseni pelenën dhe hudheni në kosh të mbeturinave.
- Pastroni nga lartë-poshtë, nga pjesët më pak të ndyta deri tek ato më të ndyta. Për foshnje femra, pastroni vulvën e më pas prapanicën; tek meshkujt, pastroni penisin, skrotumin e më pas prapanicën.
- Hapeni pelenën e patër dhe vendoseni në qendër të foshnjes. Nëse foshnja është mashkull, sigurohuni që penis ii tij të jetë i pozicionuar mirë para se të mbyllni pelenën.
- Çdo herë që ndërroni pelenën, aplikoni kremë për mbrojtje që përmban oksid zinku.
- Në rast të irritimit nga pelena, lereni prapanicën e foshnjes të ekspozuar ndaj ajrit dhe përdoreni produktin adekuat për lëkurë.
- Përfundimisht, deri në përfundim të procesit të ndërrimit, mos e leni foshnjen vetëm as për një sekondë pasiqë mund të bie nga tavolina./kosovarja.ch/
