Përgatisni recetën speciale të filetos së viçit me petë kulaçi! Pjatë e bollshme, me shije e aromë fantastike dhe e pasur në vlera ushqyese. Kombinimi i përbërësve është burim i proteinave dhe vitaminave B6 e B12.
Përbërësit: 800 gr fileto viçi, 1 petë sfoliat, 4 domate, 1 qepë, 4 thelpinj hudhre, 1 tufë borzilok, pak rozmarinë, pak trumzë (thimo), pak vaj ulliri, pak spec djegës, kripë, piper.
Përgatitja
Në fillim, nisim me përgatitjen e rolesë së mishit. Në një tigan skuqim fileton e viçit me vajin e ullirit, dy thelpinj hudhre, trumzë dhe rozmarinë.
Pasi të ketë marrë një ngjyrë të errët, e vendosim sipër petës së kulaçit, i hedhim kripë & piper, e mbyllim mirë dhe e pjekim në furrë në temperaturën 170 gradë për 40 minuta.
Më pas, nisim përgatitjen e salcës së domates. Vendosim në një tenxhere qepën, hudhrën e mbetur, vaj ulliri, borzilok, kripë dhe piper.
I skuqim për 15 minuta dhe më pas e kalojmë në multi.
Vendosim fillimisht salcën në pjatë, dhe sipër saj fileton e viçit. Tashmë, na mbetet vetëm për ta servirur bukur dhe shijuar!
