Pa marrë parasysh se sa shumë kujdeseni për lëkurën tuaj, për fat të keq, nuk ekziston asnjë mënyrë e sigurtë që t’i shmangeni paraqitjes së lythave në trupin tuaj. Ka disa këshilla ku mund të informoheni rreth zvogëlimit të shanseve për marrjen apo përhapjen e lythave.
Ja se si mund të zvogëloni rrezikun e marrjes së lythave:
- Shmangni kafshimin e thonjve të duarve si dhe kutikuleve. Kjo mund ta paraprijë lëkurën drejt infeksioneve.
- Lani duart shpesh (përsëritni tek fëmijët rëndësinë e larjes së duarve).
- Përdorni losion për zbutjen e lëkurës (moisturizer) – veçanërisht për lëkurë të thatë dhe të plasaritur.
- Gjithmonë përdorni sandale apo papuçe gjatë ecjes nëpër dushe publike, dhoma dhe pishina të izoluara, për të parandaluar paraqitjen e lythave në këmbë.
- Pastroni mirë gërvishjet apo lëndimet e vogla me ujë dhe sapun pasiqë ata janë shumë të ndjeshëm ndaj lythave dhe infeksioneve tjera.
- Asnjëherë mos e ndani bashkë me të tjerët makinën e rrojës, peshqirin apo çorapet. Edhe nëse nuk ka shenja për lytha të dukshme, ata ende mund të bartin virusin.
- Mbani duart dhe këmbët të thata (jo në lagështirë) dhe veshni çorape ekstra absorbuese në rast se djersiteni shumë.
- Shmangni prekjen e lythave të personave tjerë.
Shmangni përhapjen e lythave :
- Mos e gërvishni apo shpërtheni lythin tuaj.
- Mbani lythin të mbuluar me ndonjë fashë, shirit izolues, etj.
- Asnjëherë mos prekni vendet ku i keni lythat me ndonjë krehër, furçë, rroje, etj.
- Lani duart mirë mënjëherë pas prekjes së lythit.
- Nëse lyhtin e keni të paraqitur në dorën tuaj, atëherë veshni dorëza gjatë shkuarjes në palestër, në mënyrë që mos ta përhapni tek të tjerët.
- Pa marrë parasysh se sa tentoni për të mos ju dalë lythat, prap jeni të rrezikuar që t’ju paraqiten ndonjëherë në jetë!/kosovarja.ch/
