Asgjë nuk është më e mirë se lëkura e butë dhe e njomë e foshnjeve. Lëkura e foshnjes suaj është një barrierë mbrojtëse andaj ja disa këshilla se si ta mbroni atë.
1. Rimendoni kohën e banjos
Nuk keni nevojë ta pastroni foshnjen më shumë se dy herë në javë, ndërmjet këtyre termineve mjafton ta pastroni me sfungjer rreth pjesës së pelenave, gojës, nënsqetulla, kofshë dhe gushë. Duhet të përdorni detergjent të butë që nuk do e thajë lëkurën apo të shkaktojë djegie të syve. Gjithashtu duhet të jeni të kujdesshëm se si e mbani foshnjen gjatë pastrimit, për rregullimin e temperaturës së ujit si dhe të mos e lini foshnjen për asnjë moment vetëm në vaskë.
2. Bllokoni diellin
Keni kujdes me ekspozimin e foshnjës në diell, kur dilni jashtë në kohë me diell ju duhet:
-kapelë
– rrobe me mëngë të gjata
– syza me UV mbrojtje
– kremë për mbrojtje nga rrezet e diellit me SPF të paktën 15
Për foshnje më të vogla se gjashtë muaj, aplikoni kremën kundër rrezeve të diellit në pjesë të vogla që janë të vështira për t`u mbuluar,sikurse duart dhe fytyra.
3. Mos i harroni mollaqet
Pelena mund të shkaktojë skuqje dhe irritim të lëkurës nga fërkimi andaj ju duhet kujdes i veçantë. Ndërroni pelenat shpesh, pastroni butësisht pjesët e ndijshme, lereni që kjo pejsë e trupit të frymojë dhe përdorni kremë që përmban oksid zinku.
4. Keni kujdes me pastrimin e rrobave
Kur të pastroni rrobat e foshnjes përdorni detergjent pa parfum dhe shtesa tjera të dëmshme. Zbutësit e tekstilit duhet evituar patjetër.
5. Hidratoni shpesh
Lëkura e foshnjes duhet të hidratohet shumë me kremë pa aromë menjëherë pas pastrimit të foshnjes, që të parandalohet tharja e lëkurës.
Gjatë dimrit lëkura thahet më shpejtë andaj hidratoni më shumë./kosovarja.ch/
