“Lëkura e mollës mund të përmbajë 90 përqind të pesticideve ekzistuese, por edhe 50 përqind të lëndëve ushqyese”, thotë Joe Robinson, autor i librit “Eating on the Wild Side”, transmeton portal arbresh.info
Sipas autorit, është mirë që të bleni mollë organike dhe të hani edhe lëvoren e mollës.
Nëse kjo nuk është e mundur, ai thotë se frutat mund t’i lani në sodë buke. Sipas hulumtimit të botuar në Journal of Agricultural and Food Chemistry, njomja e mollëve në ujë dhe sodë buke për 12 deri në 15 minuta mund të heqë 80 për qind të fungicidit që mund të depërtojë në lëvozhgë.
Përzierja gjithashtu do të heqë 96 për qind të pesticideve. Larja në ujë të zakonshëm të rubinetit nuk është aq efikase.
Soda e bukës duket se shkatërron molekulat e pesticideve dhe kështu ndihmon në pastrimin e frutave tuaja. Madhësia ideale për pastrim është dy gota ujë dhe një lugë çaji sodë buke.
Përveç mollëve, shumë e shëndetshme është edhe lëvozhga e shalqinit. Ai përmban aminoacidin citruline, i cili përmirëson marrjen e oksigjenit gjatë ushtrimeve të qëndrueshmërisë. Për të reduktuar hidhësinë e kores, hajeni të gatuar.
