Faktorët natyrorë që ndikojnë në rrudhjen e lëkurës janë dy: koha dhe drita. Koha bën të vetën, por siç e dimë, është mirë të mbajmë gjithmonë një palë syze për të shmangur prekjen e lëkurës nga dielli dhe kremin mbrojtës!
Përpos përpjekjeve tona të vazhdueshme, ka disa njerëz të cilët janë të „bekuar“ nga natyra kur vjen puna tek lëkura dhe rinia „e përhershme“.
Ata me lëkurë të errët! Mesdhetarët, latinët, afro-amerikanët, apo njerëzit nga Lindja e Mesme zakonisht shfaqin rrudha më vonë se nordikët apo ata që janë bjondë me lëkurë të bardhë. Gjithsesi, kjo s’do të thotë se njerëzit që i përkasin kësaj kategorie s’duhet të mbrohen nga dielli. Thjesht, niveli i tyre i melaninës është si të jesh gjatë gjithë kohës i lyer me SPF 13 ose pak më shumë.
Melanina, pigmenti që i jep ngjyrë lëkurës apo flokëve tanë, ndikon tek plakja. Sa më e errët të jetë lëkura juaj do të thotë se rrallë ka mundësi të digjet nga dielli dhe se lëkura është e pasur me shumë malaninë.
Jo më kot yjet që duket sikur nuk plaken kurrë janë latinet apo afro-amerikanet, si Jennifer Lopez, Beyonce, Penelope Cruz, Sophia Vergara, apo indianja Aishwarya Rai. Nëse lëkura juaj ngjan me të tyren, urime!
