Të jesh në çdo kohë e rregulluar nuk nënkupton që të shpenzoni shumë të holla dhe posedimin e një sërë produktesh kozmetike. Parfumeritë dhe dyqanet e kozmetikës janë tepër tërheqëse, por nëse dëshironi që mos të harxhoni shumë para në kozmetikë që nuk e përdorni, ndiqni këshillat në vazhdim…
Më mirë një produkt i mirë, se dhjetë produkte të këqija
Shpesh herë na ndodhë që nuk blejmë ndonjë produkt të cilin e dimë se është i mrekullushëm por i shtrenjtë, ndërsa nga ana tjetër nuk e kemi problem të grumbullojmë produkte të lira si balsam buzësh, xhel dushi, piling, buzëkuq, llaqe shumëngjyrëshe për thonj e gjithçka tjetër që po ti grumbullosh kapin shifrën e njejtë apo tejkalojnë me atë të produktit që e keni ëndërruar gjithmonë.
Përcjellni lirimet
Ekzistojnë parfumeri dhe dyqane të kozmetikës që shpesh herë kanë zbritje të çmimeve të disa brendeve të produkteve, me ulje deri në 30%. Thjeshtë ju nevoitet ti përcjellni lirimet në faqen e tyre në Facebook ose ti përcjellni reklamat në kutinë tuaj postare. Kjo është mënyra më e mirë për të kursyer para rreth produkteve kozmetike.
Krijoni një plan për kujdesin dhe grimin
Nëse jeni nga ata persona që blini gjithçka që ju duket e mirë, ndaloni dhe mendoni me kujdes. A mund që njëkohësish të përdorni edhe serum që aplikohet nën krem, xhel apo qumësht trupi që nuke keni harxhuar as gjysmën? Mendoni me vëmendje se cilat produkte i aplikoni dhe më pas blinia to gjëra.
Kujdes nga produktet e dyshimta dhe fallco
Nëse blini produkte që janë në lirim në mënyrë serike, kjo është tjetër gjë, mirëpo nëse blini një pluhur pudër që në shikim të parë duket e dyshimtë, atëherë kjo është vetëm humbje parash. Blini produkte kozmetike që kanë afat të gjatë përdorimi, pasi shumica e tyre mund të shkaktojnë edhe alergji.
Gjejeni parfumin “për ditën”
Nëse parfumi i juaj i preferuar është me çmim të shtrenjtë, mund ta zëvendësoni atë me ndonjë më të lirë që mund ta përdorni pa dhimbje gjatë ditës apo në punë. Aroma të shkëlqyera mund të gjinden kudo nëpër parfumeri, edhe atë me çmime të përballueshme. Për opsionin e ditës mund të zgjidhni edhe losionet aromatike për trup.
