Kjo është periudha kur lajthitë janë të njoma dhe të freskëta, prandaj nuk duhet ta humbni mundësinë për t’i konsumuar dhe për t’i marrë vlerat ushqyese të tyre.
Sa lajthi duhet të konsumojmë në ditë?
Si çdo ushqim tjetër edhe lajthitë kanë një dozë të rekomanduar ditore. Doza e shëndetshme ditore e lajthive është 20 kokrra në ditë. Sipas të dhënave shkencore, nëse konsumoni lajthi në pesë ditë në javë, reduktoni rreziqet e zemrës me 30-50%, kjo bazuar në shifrat e Organizatës Botërore të Ushqimit.
Burim i shkëlqyer me Omega-3 dhe mbrojnë shëndetin e zemrës
Lajthia ka yndyrna të pangopura, të cilat zvogëlojnë kolesterolin e keq në gjak me 27%. Sipas studimeve njerëzit, që konsumojnë lajthi rregullisht kanë 50% më pak shanse për të humbur jetën si pasojë e atakut në zemër. Ngrënia e tyre ul kolesterolin e keq dhe rrit atë të mirin.
Lajthitë e njoma për shëndetin e trurit
Shumë studime tregojnë se ngrënia e lajthive të njoma përmirëson funksionet e trurit, lufton depresionin dhe frenon problemet mendore si pasojë e moshës.
Shëndetin e mirë të gjakut
Lajthitë janë një burim i shkëlqyer i Vitaminës E që parandalon shpërbërjen e qelizave të kuqe të gjakut dhe rrezikun e shfaqjes të sëmundjeve të gjakut.
Ndihmojnë sistemin nervor
Lajthitë janë të pasura me vitaminë B6 që nevojitet për formimin e mielinës, që është mburoja e nervave. Kjo rrit shpejtësinë dhe efikasitetin e impulseve dhe lejon funksionimin normal të sistemit nervor.
Lajthitë e njoma mbështesin mirë shtatëzanitë
Në ndryshim nga arrorët e tjerë, lajthitë janë një burim i pasur me folat. 100 gramë lajthi kanë 30% të dozës së rekomanduar ditore. Folati i bën mirë grave shtatzëna sepse parandalon aneminë dhe defektet nervore tek foshnjat.
