12.7 C
Priština
More

    Simptomat e fshehtë të endometriozës: Si e keni ciklin menstrual?

    spot_imgspot_img

    Sëmundja është kronike dhe ndërlidhet me ndryshimet ciklike të hormoneve steroide…

    Endometrioza është një sëmundje tipike e femrave në moshën pjellore të tyre, ndërsa simptomet kryesore janë dismenorea apo menstruacionet me shumë dhimbje si dhe dhimbjet e legenit, shkruan Lisa.rs.

    Edhepse endometrioza nuk është aq e fshehtë sa mendohet të jetë, që të zbulohet në kohë dhe të zbuten pasojat e saj, duhet të bëni ekzaminime gjinekologjike më shpesh se një herë në vit.

    Diagnoza bëhet duke kombinuar analizat për: anamnezën mjekësore, ekzaminimin fizik, testet laboratorike, ultratingujt, laparaskopinë, dhe sipas nevojës edhe rrezonancën magnetike, kolonoskopinë si dhe citoskopinë.

    Kjo sëmundje karakterizohet me rritjen e mukozës (endometriumit) jashtë mitrës ku edhe zakonisht ajo ndodhet. Sëmundja është kronike dhe lidhet me ndryshimet ciklike të hormoneve steroide. Tek femrat në moshë riprodhuese, incidenca për endometriozë është 10-15%.

    Deri sa të paraqiten simptomat e para, mesatarisht kalojnë 8-9 vite duke u ndërlidhur me shkaqet e infertilitetit. Frekuenca e endometriozës tek femrat jopjellore është shumë e lartë dhe arrin 30-40%.

    Simptomat më të zakonshme përfshijnë cikël menstrual me dhimbje, dhimbje gjatë marrëdhënieve seksuale, dhimbje të legenit, çrregullim i ciklit menstrual, gjakderdhje ndërmjet cikleve menstruale si dhe infertilitet.

    Kjo trajtohet në mënyrë hormonale ose kirurgjikale, në varësi të rastit a është më i lehtë apo rast i rëndë. Duke marrë parasysh se endometrioza shoqërohet shpesh me infertilitetin, për femrat që duan të lindin përdoret procedura e asistimit për riprodhim, dhe kësisoj këto femra këshillohen që të ngelen shtatzënë sa më shpejt që të jetë e mundur.

    Faktorët e rrezikut

    Mundësia për endometriozë është më e lartë tek femrat:

    • Që kanë pasur cikël të parë menstrual para moshës 11-12 vjeçare;
    • Nuk kanë përdorur kontraceptivë oral;
    • Kanë cikël më të shkurtë se 27 ditë;
    • Gjakderdhja menstruale iu zgjat më shumë se 7 ditë;
    • Kanë shtyer procesin e lindjës së fëmijëve pas moshës 30 vjeçare./kosovarja.ch/

    Shpërndaje postimin:

    spot_imgspot_img

    Të popullarizuara

    spot_imgspot_img

    Artikuj të ngjajshëm
    Artikuj të ngjajshëm

    Pushimet shijojnë më shumë me Prime Travel

    Ndërsa ditët e diellit të gushtit i lënë butësisht...

    Dëshironi të vraponi më shpejt, ndiqni këto tri këshilla

    Të gjithë e kemi dëgjuar frazën se duke e...

    Dëgjoni këto këngë për seks të ngadaltë dhe sensual

    Muzika mund të ndikojë në dëshirën tonë seksuale. Kështu...

    Çfarë është shtatzënia ektopike?

    Një shtatzëni ektopike mund të jetë një ngjarje shkatërruese...