Dhimbjet e qafës janë shumë të zakonshme. Origjina e këtyre dhimbjeve varion nga mungesa e aktivitetit fizik, stresi, i ftohti, problemet me unazat, etj.
Ja disa mënyra natyrale për t’i lehtësuar këto dhimbje:
Masazh me vaj Rozmarine
Vaji esencial i rozmarinës ngroh muskujt e qafës dhe rrit qarkullimin e gjakut. Në pëllëmbën e dorës tuaj, përzieni 5 pika vaj rozmarinë me një sasi të vogël vaj bajame të ëmbël, 2 lugë (të mesme) vaj lule basani (kantarion), 7 pika vaj sherebele. Më pas, masazhoni qafën pa e lënduar. Së fundi, mbështilleni qafën tuaj me një shall të ngrohtë për disa orë për të zgjatur efektin e shërimit.
Vajrat esenciale si inhalim për të lehtësuar dhimbjet e qafës
Vajra esenciale nga livando dhe dëllinja lehtësojnë dhimbjen e qafës, në të njëjtën kohë ndihmojnë në lehtësimin e stresit. Shtoni 3 pika të secilit nga vajrat e mësipërm në një enë me ujë të ngrohtë. Kryeni ushtrime të tërheqjes së qafës, ndërkohë që thithni këto aroma.
Vaj Mente
Me anë të vajit të mentes mund të siguroni lehtësimin e dhimbjeve në qafë. Përzieni 2 pika vaj mente me vaj bajame të ëmbël dhe fërkoni zonat e dhimbshme të qafës.
Nga: Anila Mirdita
