Ramazani është muaji i nëntë i kalendarit islamik dhe është një muaj i shenjtë për myslimanët. Gjatë këtij muaji, rreth 1.6 miliardë muslimanë në mbarë botën agjërojnë, nga agimi deri në perëndim të diellit.
Muslimanët në mbarë botën kanë të njëjtën rutinë, duke agjëruar nga të gjitha ushqimet dhe lëngjet, përfshirë edhe ujin.
Nëse ndonjë ditë nuk agjerohet, atëherë mund të plotësohet në një datë të mëvonshme, ose personi që ka humbur agjërimin mund të sigurojë një vakt për dikë në nevojë.
Një ditë e zakonshme agjërimi fillon me zgjimin e një muslimani pak para agimit për vaktin e parë të ditës, i njohur si syfyr, dhe më pas pasohet nga namazi i mëngjesit i njohur si sabah.
Muslimanët më pas do të kalojnë ditën e tyre normale, në shkollë, në punë, ose me rutinën e tyre të zakonshme, shkruan rte.
Pastaj, sapo të perëndojë dielli dhe të fillojë ezani i akshamit, muslimanët ndërpresin agjërimin. Ky vakt njihet si iftar.
Agjërimi zakonisht prishet me një hurmë dhe një gotë ujë. Kjo për shkak se hurmat treten lehtësisht dhe janë një burim i shpejtë i lëndëve ushqyese dhe i energjisë. Besohet gjithashtu se hurmat janë ato me të cilat Profeti Muhamed a.s e ndërpreu agjërimin e tij.
Agjërimi nuk është obligim për të sëmurët, shtatzënat, personat që udhëtojnë, fëmijët e vegjël dhe të moshuarit.
Muaji i Ramazanit dhe agjërimi shërben si një kujtesë për muslimanët që të ndjejnë dhembshuri për të varfrit dhe nevojtarët dhe synon të përqendrimin në fenë e tyre dhe në marrëdhënien e tyre me Zotin.
Besohet se Zoti ia shpalli ajetet e para të Kuranit, tekstin fetar të Islamit, Profetit Muhamed a.s. në një natë gjatë Ramazanit, që njihet si Nata e Kadrit
Në fund të Ramazanit, ka një festë të madhe të quajtur Fitër Bajrami.
Myslimanët në këtë festë mblidhen me miqtë dhe familjen e tyre dhe shënojnë këtë festë.
