Nënat e ardhshme brengosen se si trupat e tyre nuk do të rikthehen në gjendjen e para-lindjes, por kjo nuk është shkak për brengosje. Hani mirë dhe bëni ushtrimet e duhura gjatë shtatëzënisë, dhe para se fëmija juaj të festojë ditëlindjen e parë ju do jeni rikthyer në formën e mëparshme, ndoshta edhe në formë më të mirë.
Bëhuni reale
Po, ju dëshironi të ushtroni gjatë shtatëzënisë, mirëpo jo edhe të tejkaloni kufijtë e normales. Harroni maratonat e gjata dhe rrafshimin e stomakut!
Ndërtoni fuqi
Tani është koha më e përshtatshme të forconi trupin tuaj që të jeni më e aftë të përballeni me vështirësitë e shtatëzënisë, lindjes e më vonë të përkujdesit të fëmijës. Bëni ushtrime të rezistencës 2-3 herë në javë, ushtroni ulje me bisht, hedhje lart, pompa, përdredhje të bicepsit dhe zhytje të tricepsit.
Mirëmbani fitnesin tuaj
Nëse jeni një vrapuese e rregullt dhe mjeku juaj ju lejon të vraponi , atëherë vrapi i butë është më se i përshtatshëm. Megjithatë, nëse nuk keni vrapuar më herët, shëtititjet e përditshme janë po aq efektive në aspektin e ndërtimit të qëndrueshmërisë dhe përmirësimit të rrjedhjes së gjakut.
Qëndroni fleksibil
Shtatëzënia mund të jetë e vështirë për trupin, duke sjellë me vete një sërë dhembjesh, mirëpo nënat e ardhshme mund të lehtësojnë shumë prej tyre me anë të aktiviteteve siç është joga dhe pilatesi.
Bëhuni e kujdesshme
Të shihni si trupi juaj zgjerohet mund të jetë vështirë dhe shumë femra mundohen që të ndjehen mirë për veten e tyre. Me pak mund, mund të ktheni trupin tuaj mbrapa. Më e rëndësishmja, do keni një fëmijë të bukur për të treguar para botës./kosovarja.ch/
