Tenori kosovar me famë botërore, Ramë Lahaj, ka vite me rradhë që jeton duke udhëtuar nga një vend i botës në tjetrin. Ndërsa vendlindja e tij është Istogu.
Këtë Bajram, Rama ka vizituar nënën e tij që jeton në Istog. Me këtë rast ai ka postuar një fotografi, gjersa të dy bisedojnë në oborrin e shtëpisë.
Por edhe më emocionues është mesazhi me të cilin tenori përcjell këtë fotografi.
“U bënë 2 dekada, që vij me vrap e mall në këtë oborr ku i gjeja prindërit t’u gjallnu me përditshmërinë e tyre. Sot vij, me gjysmë shpirti se vetëm njëri më ka mbetur, e edhe ajo me 100 sëmundje e vuajtje mbi supe. Ndërsa mua më duhet t’i qëndroj larg e përballë me një maskë sikur kam ardhur të vjedhë, e jo të bëj Bajram me më të shenjtën time. Pa mundur ta shrydhi në përqafim.” – shkruan këngëtari i operas.
Më tutja ai ka kërkuar që të gjithë të respektojnë masat mbrojtëse ndaj COVID-19.
Tekstin e ka përfunduar me urimet për Bajramin.
