Kokoshkat preferohen shumë nga fëmijët dhe të rriturit, dhe struktura e tyre krokante dhe aroma, janë thjesht perfekte për pothuajse çdo rast.

Disa prindër u ofrojnë kokoshka vetë fëmijëve të vegjël, ndërsa të tjerët nuk e shohin momentin kur fëmija përtyp një misër në gojën e tij. Ky proces është shumë i rrezikshëm për fëmijët nën katër vjeç.

“Bright Side” zbulon pse pediatrit rekomandojnë fuqimisht të mos u jepni kokoshka (dhe disa ushqime të tjera) fëmijëve të vegjël.

Efekti i rrezikshëm që një kokërr misër mund të ketë tek një vogëlush

Ndërsa shumë prindër janë të vetëdijshëm për rreziqet e mbytjes nga bateritë ose lodrat e vogla, rreziqet e zakonshme që lidhen me ushqimin janë ende të panjohura për shumë nëna dhe baballarë.

Pediatrit nuk rekomandojnë që prindërit t’u japin kokoshka dhe disa produkte të tjera fëmijëve nën 4 vjeç.

Pse është e rrezikshme kjo gjë deri në moshën katër vjeç?

Sipas ekspertëve, fëmijët kanë një rrezik më të madh mbytjeje derisa të mbushin 4 vjeç. Vetëm në këtë moshë, ata janë plotësisht në gjendje të përtypin ushqimin që hanë në mënyrën e duhur.

Përveç kësaj, fëmijët më të vegjël mund të shpërqendrohen lehtësisht nga gjërat që ndodhin përreth tyre, gjë që gjithashtu rrit rrezikun e mbytjes. Kjo është arsyeja pse të vegjlit duhet të ndihmohen gjithmonë kur hanë. Ecja, vrapimi, qeshja ose biseda gjatë ngrënies, si dhe ngrënia shumë shpejt, gjithashtu mund të jenë të rrezikshme.

Disa ushqime të tjera që mund të jenë të rrezikshme për fëmijët e vegjël

Fatkeqësisht, kokoshkat nuk janë ushqimi i vetëm që paraqet një rrezik mbytjeje për fëmijët e vegjël. Sipas pediatërve, përveç kokoshkave, nuk duhet t’u japim fëmijëve të vegjël ushqimet e mëposhtme:

Hot Dogs

Ëmbëlsira me shumë sheqer

Arra dhe fara

Karota të papërpunuara

Mollë

Rrush

Gjalp kikiriku

Çamçakëz

Ju mund të mësoni më shumë rreth rreziqeve të mbytjes për fëmijët nga ky artikull i shkruar nga specialistë të Akademisë Amerikane të Pediatrisë. Nëse nuk jeni të sigurt se cilat ushqime mund t’i jepni fëmijës tuaj në një moshë të caktuar, duhet të flisni me një pediatër të kualifikuar, i cili mund t’ju japë të gjitha udhëzimet e nevojshme.