Kur bëhet fjalë për ato pyetje qesharake që vogëlushi juaj ju parashtron si: Pse qielli është i kaltër? Ose, Sa gjethe ka gjithsej në botë? Është vështirë të mos trullosesh nga gjetja e një përgjigje adekuate. Por, herën tjetër që fëmija juaj ju pyet pse disa fëmijë e kanë kërthizën brenda e disa të tjerë jashtë, ju mund t’u jepni një përgjigje me vetëbesim.
Në kundërshtim me besimin popullor, forma e kërthizës suaj nuk ka të bëjë me mënyrën se si është prerë dhe fiksuar kordoni i kërthizës – andaj mos e fajësoni mjekun tuaj. Në vend të kësaj, shumica e kërthizave me formë te jashtë janë kështu për shkak të indeve shtesë që gjenden nën kërthizë – diçka që është përtej kontrollit të askujt.
Por, nëqoftëse fëmija juaj ka një kërthizë që duket se herë del jashtë e herë hyn brenda përsëri, kjo mund të jetë një gjendje mjekësore e quajtur hernia umbilikale. Edhepse kjo mund të tingëllojë si e frikshme, zakonisht nuk ka asgjë për t’u shqetësuar. Shumica që kanë këtë gjendje, mund të largohet nga mosha 5 vjeçare por prindërit duhet t’i monitorojnë vazhdimisht në rast të ndonjë vlerësimi emergjent.
Megjithëse forma e kërthizës jashtë është një formë më pak e zakonshme se forma te brenda, vërtetë nuk ka asnjë arsye për t’u shqetësuar për sa kohë që vazhdoni kontrollet e rregullta me mjekun tuaj.
Formë të jashtme apo të brendshme, nuk ka asnjë dyshim në lidhje me këtë: vogëlushi juaj është po aq i lezetshëm sa edhe të tjerët…!/kosovarja.ch/
