Prej më shumë se dy vitesh, prerja e njohur si „The Bob“ vazhdon të jetë e preferuara e vajzave të njohura shqiptare e të huaja.
„The Bob“ nënkupton një prerje në gjatësi mesatare, pak sipër supeve ose deri te supet.
Po ndajmë me ju dy këshilla me rëndësi nëse dëshironi të prisni flokët si në vijim:
- Flokët e shkurtër ose në gjatësi mesatare si Bob nxjerrin në pah supet, dekoltenë dhe qafën. Që të mos ngjani më e thjeshtë seç duhet, bëni pjesë të garderobës disa veshje që përshtaten me modelin e ri të flokëve: një golf i trashë, këmishë, bluza me jakë. Mund të vishni edhe fustane me dekolte të theksuar, por mos harroni aksesorët.
- Ndonëse mund të keni flokët më të shëndetshëm dhe më të bukur në planet, Bob nuk është një ndër ato modelet e flokëve “zgjodhu dhe dil nga shtëpia”. Për shkak të gjatësisë, do t’ju duhet pak më shumë kohë për t’i stiluar siç duhet. Njëkohësisht që të mos i dëmtoni, sigurohuni që pajisjet si pjastër, tharëse, mashë për kaçurrelat, të jenë cilësore dhe të mbrojnë flokun nga nxehtësia.
