Përbërësit:
2 vezë
Pak kripë
1 gotë çaji qumësht
1 gotë çaji vaj
Miell deri në krijim të brumit
200 gram fëstek i qëruar, pa kripë, i bluar
1 gjalpë e shkrirë (250 gr)
1 kavanoz sheqer
Gjysmë kavanozi ujë
1 copë e hollë limoni
Përgatitja:
Fillimisht përzieni vezët, kripën, qumështin vajin. Më pas gradualisht, duke përzier, shtoni miellin.
Punojeni brumin me duar derisa të krijoni një top të madh të formësuar.
Më pas ndajeni në kuleq shumë të vegjël (rreth 68 të tillë).
Në tavolinë të mbushur me niseshte, filloni të hapni kuleqët në formë petësh. Fillimisht petë më të vogla, të cilat i bashkoni nga tri dhe më pas i zgjëroni në masë të madhe (aq sa e keni tepsinë e pjekjes).
Petët i vendosni në enën e pjekjes, duke i lyer një nga një me gjalpë të shkrirë.
Kur të arrini në mesin e petëve, shtoni fëstekët e bluar dhe vazhdoni të paloni edhe petët e tjera.
Në fund prejeni sipas dëshirës dhe lyejeni mirë me gjalpë.
Pjeka duhet të bëhet në temperaturë maksimale derisa të fillojë një skuqje e lehtë. Ndërsa për 2 orë të tjera duhet të vazhdojë pjekja në temperaturë 100 gradë celcius.
Shebeti duhet të përgatitet nga 1 kavanoz sheqer me gjysmë kavanozi ujë dhe një copë limon.
Të zihet derisa sherbeti të fitojë konsistencën e duhur (provojeni nëse pika e sherbetit qëndron në gisht pa lëvizur).
Bakllavës së ftohur duhet t’i hidhet ngadalë sherbeti i nxehtë.
Sipër dekorojeni me fëstek të tjerë të bluar.
