Pap testet janë të dizajnuara në atë mënyrë që të zbulojnë çdo anomali përpara zhvillimit të kancerit.

Sipas ekspertëve një grua nuk bën pap testin derisa t’i mbushë 21 vjeç. Kjo për shkak se shumica e grave më të reja se 21 vjeç kanë një rrezik më të ulët të kancerit të qafës së mitrës.

Sipas Shoqatës Amerikane të Kancerit, gratë nga 35 deri në 44 vjeç përbëjnë pjesën më të madhe të diagnozave.

Duke filluar nga vitet 20 dhe duke zgjatur deri në mesin e viteve të 60-ta, gratë duhet të bëjnë Pap Testin çdo tri vjet, sipas CDC.

Për gratë 30 vjeçe dhe më të vjetra, gjinekologu juaj mund të rekomandojë një test HPV. HPV, zbulon nëse edhe keni ndonjë infeksion të transmetueshëm.

Ekseprtët thonë se për një grua me rrezik mesatar, kanceri i qafës së mitrës mund të marrë diku nga 10 deri në 15 vjet për t’u zhvilluar, kështu që pap testi për çdo 3 deri në 5 vjet mund të ndihmojë në identifikimin e pacientëve që mund të kenë nevojë për monitorim shtesë përpara se kanceri të ketë një shans për t’u zhvilluar.

Sidoqoftë, është e rëndësishme të theksohet se vetëm për shkak se ju keni një njollë jo normale nuk tregon se keni automatikisht kancer të qafës së mitrës ose do të zhvilloni.

Në fakt, kanceri i qafës së mitrës vlerësohet të përbëjë më pak se një përqind të rasteve të reja të kancerit në  vitin 2020, sipas Institutit Kombëtar të Kancerit.