Është prezent në pothuajse të gjitha tryezat. Veçse disa kosin e preferojnë me kripë e të tjerë kombinim me fruta apo drithëra. Sipas shijes varet edhe koha kur vendosim ta konsumojmë.
Ndërsa mjekët këshillojnë që këtë produkt të pasur me kacium, magnez e vitaminat B2 dhe B12, ta konsumojmë në mëngjes.
Konsumimi i një filaxhani të kosit në mëngjes, bën që të merret kalciumi i duhur për forcimin e kockave.
Personat që vuajnë nga diarrea apo fryerjet në stomak, duhet të konsumojnë këtë produkt qumështi në mëngjes. Meqë kosi përmban probiotikë, ato eliminojnë mikro-oraganizmat në sistemin tretës.
Kësisoj, kosi arrin të mbrojë edhe sistemin tretës nga toksinat dhe bakteriet. Meqë përmban minerale të dobishme si zinku, magnezi dhe seleniumi, ai forcon edhe imunitetin.
E për shkak se përmban lacotobacile, kosi është i mirë veçanërisht për femra. Ai parandalon mykun dhe infeksionet në organe gjenitale.
Përmbajtja e kaliumit, ndihmon eliminimin e kripës së tepërt nga trupi. Si i tillë, ndikon në uljen e shtypjes së gjakut.
