“Isha një e mvarur maniake për Coca Cola…”
27 vjeçarja e vetshpallur si e mvarur nga pija e Coca Cola-s, arrin të humb 50 kg pasi ka hequr dorë nga ky lëng. Raportet tregojnë se Sarah Turner nga Birmingham ka pirë rregullisht 4 litra Coca Cola çdo ditë.
“Isha shumë e varur nga Coca Cola. Mund ta konsumoja tërë ditën pa masë duke mos i menduar efektet negative në trupin tim”, thekson ajo për shtypin.
Ajo vazhdon se ishte rregullisht e lodhur dhe pa energji për të vepruar e punuar diçka, dhe nuk ishte befasi pesha e saj e tepruar.
Vetëm pak para një muaji u paraqit një grafikon me informata frikësuese rreth kësaj pije dhe sheqerit që përmban ajo. 20 minuta pas konsumit të kësaj pije, sheqeri nga Coca Cola fillon mënjëherë të procesohet nga trupi juaj dhe të shëndrrohet në yndyrë.
Turner, nëna e tre fëmijëve, ka peshuar 110 kg si rezultat i pijes jo të shëndetshme. ajo tani peshon 57 kg dhe ka zvogëluar madhësinë e veshjeve, sidomos të fustaneve deri në tetë numra. Përgëzime zonjë!
Turner, aktualisht përcjell programin për stërvitje dhe humbje të peshës “Slimming World”. Në dietën e saj ajo ka eliminuar tërësisht sheqerin si dhe duke bërë zgjedhje më të mençura të ngrënies si: patate, fasule dhe ushqime të pasura me protein./kosovarja.ch/
