Ambientimi me ndarjen e shtratin me një person të dytë, përfshinë shumë elemente. Hapësira, mënyra e fjetjes e shumë të tjera detaje, janë të rënësishme për zhvillimin e një gjumi të mirë.

Këtu janë disa këshilla për të bërë gjumë më të mirë me një partner.

Thuajini JO teknologjisë

Mbajini larg shtratit të gjitha mjetet e teknologjike. Çiftet me një marrëdhënie të shkëlqyer nuk i marrin smartphone-t në dhomën e gjumit. Telefoni mjafton dhe është i tepërt gjatë ditës, kështu që nuk është nevoja ta kesh me vete edhe në shtrat.

Zgjidhni dyshekun e duhur

Kur blini një dyshek, është e rëndësishme të mendoni se do të flini dy persona në të. Së pari, sigurohuni që dysheku të jetë aq i madh sa për t’ju dhënë çdo hapësirë të mjaftueshme. Pastaj, mendoni edhe për një dyshek që minimizon lëvizjet, që të mos e zgjoni lehtë njëri-tjetrin.

Përdorni batanije të ndara

Është mirë të rrish dyshe nën një batanije të ngrohtë, por kur je në gjumë është e kuptueshme që nuk do të bësh “luftë” batanijesh. Nëse secili prej jush ka batanijen e vet, ka më pak të ngjarë ta tërhiqni njëri-tjetrin dhe më pak të ngjarë të zgjoheni gjatë natës.

Bëni seks para gjumit

Ka një arsye të fortë që të bësh gjumë më të mirë. Një studim i CQ University ka zbuluar se seksi para gjumit të jep mundësi për një gjumë më të mirë gjatë natës. Aktiviteti seksual lëshon endorfina dhe dopamina, hormonet që ndihmojnë në zvogëlimin e stresit dhe qetësojnë trupin. Kjo bën që gjatë natës të bësh një gjumë më të qetë. Studimi tregoi se 64 për qind e njerëzve që kishin marrëdhënie seksuale me një partner bënin gjumë më të qetë gjatë natës.

Flini në të njëjtin shtrat dhe në të njëjtën kohë

Është e rëndësishme të flini në të njëjtin shtrat, por edhe në të njëjtën kohë, të dy bashkë. 75 për qind e çifteve nuk shkojnë në shtrat bashkë dhe kjo bën që gjumi i tyre të mos jetë i mirë.