Numri i të prekurve nga COVID-19 është rritur më shumë sesa në fillimet e tij. Ky është një tregues se dezinfektuesit do të vazhdojmë t’i kemi prezent në shtëpi, çantë, zyre dhe kudo tjetër.
Prandaj është e rëndësishme të sigurohemi se po blejmë të duhurin.
Së pari ekspertët këshillojnë që njerëzit të mos blejnë dezinfektues me më pak se 60 përqind alkol.
Në aspekt volumi, një dezinfektues i mirë dhe cilësor duhet të ketë 94.9 përqind alkol, por edhe glicerinë, ujë të oksigjenuar dhe ujë steril.
Në etiketën e produktit, alkoli mund të shënohet edhe si etanol.
Sipas ekspertëve, përsa kohë, produkti ka përqindjen e duhur të alkolit, ai konsiderohet cilësor pavarësisht elementëve të tjerë përbërës.
Nëse një dezinfektues ka më pak se 60 përqind alkol, atëherë ai është dramatikisht më pak efikas kundër virusit dhe baktereve.
Konsumatori duhet të ketë kujdes ndaj produkteve të tilla që në etiketë kanë të shkruar “përbërës alternativë dezinfektimi”.
Një i tillë është vaji i arrës së kokosit që sigurisht nuk dezinfekton.
