Tashmë trëndafilat kanë qelur, duke dhuruar bukuri e aromë të mirë. Por këta mund t’i përdorni edhe për shurup tejet të shijshëm.Për një kosh mesatar me trëndafila, përdorni 5 litra ujë dhe 50 gram acid citrik (limontoz).

Fillimisht lani petalet e lules dhe vendosini në shishen 5 litërshe. Më pas vendosni sasinë e limontozit dhe filloni ta mbushni ujë.

Petalet do të fillojnë të lëshojnë menjëherë ngjyrë, por ju duhet ta mbani mbyllur për 3 ditë.

Më pas bëni gati shishet ku do të ndani sasinë 5 litërshe, të cilën duhet ta kulloni. Ato duhet t’i ruani në frigorifer.

Për konsumim, kombinojeni 1 litër shurup me 1 litër ujë dhe shtoni sheqer sipas dëshirës.

Në këtë mënyrë ju do të jeni gati për freski në temperaturat e nxehta.