Dua Lipa vazhdimisht është lajmëruar për fansat e saj direkt nga shtëpia. Madje ajo ka performuar edhe për emisionet më të ndjekura në botë. Por kësaj rradhe ka zgjedhur të bëj diçka për vendin e prejardhjes.
Këtë të dielë, ajo do ta intervistojë kryetarin e Prishtinës, Shpend Ahmetin. Me këtë rast, Dua ka kërkuar që qytetarët t’i dërgojnë pyetjet e tyre, me qëllim që ajo të ja parashtrojë kryetarit.
“Dëshiroj ta falënderoj shumë kryetarin e qytetit tonë, Prishtinës, z. Shpend Ahmeti për punën e pandalshme dhe kujdesin ndaj qytearëve në luftën kundër COVID-19. Ka qenë tejet mbresëlënëse me e pa bashkëpunimin e madh të komunës dhe qytetarëve, dhe masat të cilat secili prej jush i keni ndërmarrë për parandalimin e përhapjes së virusit. Të dielën (nesër) do ta intervistojmë Kryetarin me PYETJET e JUAJA. Pyete Kryetarin, duke dërguar pyetjet në info@ republika.tv, ndëra unë do t’ia përcjelli ato gjatë intersitës që do të kemi bashkë, këtë të diel në orën 21:00 PM CET. Ju dua shumë. Kujdesuni për veten dhe njëri-tjetrin. Shihemi të dielën mrëma” – është shkrimi që Dua Lipa ka ndarë me ndjekësit e saj në Instagram.
Kujtojmë se Dua ka disa vite që organizon festivalin “Sunny Hill” në kryeqytet, me paratë e të cilit ndihmon kulturën dhe artin në Prishtinë.
