Nga Prishtina u zhvendos në Londër për të ndjekur ëndrrën e saj muzikore. Ndërsa tani, Dua Lipa është një nga përfitueset më të mëdha të industrisë së muzikës.
Ajo pothuajse ka dyfishuar pasurinë e saj që nga viti i kaluar. Sipas shifrave të Dua Lipa Live LLP, të paraqitura nga “Companies House”, 24 vjeçarja, yll i shumë hiteve botërore, tani ka 17.2 milionë funta (19 milionë euro) në llogarinë e saj bankare.
Nga burimet e industrisë muzikore, thuhet se prishtinasa ka punuar e heshtur në biznesin e saj dhe tani është bërë një nga interpretueset më të suksesshmet e popit. Më tutje, thuhet se ajo është duke shkuar drejt fitimeve të njëjta me Ed Sheeran, ndërsa shumë shpejt mund ta rivalizojë edhe Adele, me të cilën ka 5 vjet diferencë në moshë.
