A është biri juaj duke u pyetur pse zëri i tij është duke u thyer dhe çfarë nënkupton kjo? Mësoni se pse zëri i tij është duke ndryshuar dhe pse kjo gjë është e lidhur me pubertetin dhe zhvillimin.
Puberteti dhe ndryshimet e zërit
Zëri jonë prodhohet kur ajri me fuqi kalon nëpër fytin tonë dhe dridh telat e zërit. Goja dhe gjuha jonë luajnë rol në formimin e fjalëve, mirëpo është dyshja e telave të zërit që ndodhen në fyt që e influencojnë zërin se sa thellë apo lartë do të lëshojë tonin.
Këto tela të zërit janë rripa të dyfishtë të kërcës dhe indeve tjera në kutinë e zërit të quajtur laring. Ato vibrojnë për të prodhuar zërat themelore që përbëjnë të folurin tonë. Ne i modifikojmë këto zëra me gojën tonë që të formulojmë fjalë. Sa më të gjata dhe të trasha të jenë telat e zërit, aq më të ulëta do të jenë zërat që prodhojmë. Kur të lindim, telat e zërit të të dyja gjinive janë të gjatësisë së ngjashme, të gjata rreth 2 milimetrave, që vazhdojnë të zgjaten përderisa fëmija rritet. Telat e zërit tek vajzat rriten 0,4 mm çdo vit, ndërsa tek meshkujt 0,7 mm që d.t.th dyfishin. Kjo rritje gradualisht ngadalësohet, duke i lënë vajzat me maksimumin e 10 mm ndërsa djemtë 16 mm. Teli më i gjatë i zërit d.t.th zë më i thellë, gjë që shpjegon zërin e thellë të meshkujve.
Këto ndryshime në laring janë të lidhura edhe me rritjen e sasisë së testosteronit tek meshkujt gjatë pubertetit. Rritja e sasisë së testosteronit shkakton zgjatjen e kërcës së laringut dhe të telave të zërit, si dhe trashjen e tyre. Telat e trashë të zërit shkaktojnë ndryshimet e tonit të zërit, përcaktojnë ngjyrën e zërit. Pra, kur zëri i djalit tuaj fillon të ndryshojë, fajësoni testosteronin.
Ndryshimet e zërit dhe ndryshimet tjera gjatë pubertetit
Ndryshimet e zërit nuk vijnë vetvetiu. Pasiqë ndryshimet e zërit vijnë nga ndryshimet e nivelit të testosteronit, testosteroni shkakton edhe ndryshime tjera gjatë pubertetit, ndryshimet e zërit janë të lidhura me ndryshime tjera të trupit.
Njëra nga gjërat që duhet të shënohet është se ndryshimet e zërit ndodhin në një pikë të caktuar të zhvillimit përgjatë pubertetit. Studimet tregojnë se ndryshimet e zërit ndodhin te djemtë që janë mes shkallës së 3 dhe 4 të Shkallëve të Tanner-it. Shkallët e Tanner-it shpjegojnë ndryshimet fizike në gjenitalet e meshkujve gjatë fazës së pubertetit. Mjeku juaj vlerëson shkallët në të cilat gjendet djali juaj andaj pyetni lirisht se në cilën shkallë ndodhet fëmija juaj.
Çka është më interesantja, ndryshimet e zërit mund të lidhen edhe me gjatësinë e djalit tuaj. Kur zëri i djalit tuaj fillon të ndryshojë, shpesh është shenjë e fillimit të “zgjatjes së shpejtë”. Kjo “rritje e shpejtë” ndodh në kohë të adoleshencës kur gjatesia rritet me hap të përshpejtuar. Pasiqë zëri i djalit tuaj të pushojë së ndryshuari, zgjatja e tij fillon të pushojë. Ky nuk është proces i shpejtë pasiqë kjo zgjatje e shpejtë zgjat deri në tre vite.
Puberteti me ndryshimet e zërit dhe ndryshimet e tjera që vijnë me të, është një kohë stresuese për adoleshentët , mirëpo kuptimi i këtij procesi lehtëson këtë periudhë për të gjithë. Nëse fëmija juaj është shqetësuar me atë se si tingëllon zëri i tij duhet që ta bindni se ndryshimet e zërit dhe grithjet janë normale dhe se nuk do zgjasin përgjithmonë. Lajmi i mirë është se kur zëri i tij fillon të ndryshojë, ai do fillojë të zgjatet në shtat, gjë që e ka dëshiruar gjithmonë.
foto: pixabay.com
