Të bëjmë të qartë një gjë, që në fillim. Nëse jeni grua dhe i humbisni flokët tuaj, ju e dini se ju nuk jeni e vetmja që jeni duke luftuar me këtë.
Edhe gratë mund të humbasin flokë. Por kjo temë nuk është aq e popullarizuar sa tek meshkujt. Çdo grua që ballafaqohet me këtë, do të duhej që problemin të paraqes tek mjeku i saj.
Le të shikojmë disa arsye më të shpeshta, për humbjen e flokëve tek femrat:
Nivelet e ulëta të hekurit
Mungesa e hekurit, pavarësisht nëse bëhet fjalë për anemi apo jo, mund të shkaktojë humbjen e flokëve. Nuk bën që në mendjen tuaj të filloni të përdorni tableta për hekur, dhe që paraprakisht nuk jeni konsultuar me një mjek. Edhe hekur i tepërt mund të shkaktojë probleme shëndetësore.
Çrregullime të tiroides
Edhe troida tepër aktive edhe ajo e ngadalësuar mund të shkaktojnë humbjen e flokëve.
Nivelet e ulëta të estrogjenit
Shumë gra humbasin flokët e tyre gjatë dhe pas menopauzës, kur nivelet e estrogjenit fillojnë të biejnë. Dhe ndryshimet e tjera hormonale – për shembull, ndryshimet në kontraceptivët oralë gjithashtu mund të shkaktojnë humbjen e flokëve.
Ndryshimet hormonale pas shtatëzanisë
Edhe nënat e reja mund të konstatojnë se humbasin një shumë të konsiderueshme të flokëve në gjashtë muajt e parë pas lindjes, ose deri sa nivelet e estrogjenit nuk kthehen në gjendje normale.
Effluvium Telogen
Ky term do të thotë humbje e përkohshme e flokëve, e cila është për shkak të stresit ose ndonjë operacioni kohëve të fundit, i cili zakonisht ndodh dy muaj pas situatës që e ka shkaktuar atë.
Ilaçet
Shumë medikamente mund të shkaktojnë humbjen e flokëve. Nëse keni dyshim tek kjo, bisedoni me mjekun tuaj në lidhje me ndryshimin e mundshëm të barnave.
Nivelet e larta të vitaminës A dhe selenit
Kujdesshëm me shtesa të ushqimit. Mos i merrni ato në vete, por vetëm në konsultim me një mjek.
Pirja e duhanit
Disa studime të kryera tek meshkujt kanë treguar se pirja e duhanit gjithashtu rrit humbjen e flokëve.
Çfarë duhet të bëni?
Plani më i mirë është që të zbuloni shkaktarin e vërtet për humbjen e flokëve dhe për të eleminuar atë. Më e mirë është që të filloni me një test të gjakut i cili do të tregojë nivelin e hormoneve tiroide, hekurit dhe estrogjenit.
Në disa raste, zakonisht pas menopauzës, shkaku i humbjes së flokëve është alopecia androgjenetike. Shkaku i ndryshimeve hormonale në trup, dmth. çekuilibër në mes të hormoneve mashkullore dhe femërore. Kjo ndodh rrallë edhe te gratë më të reja, por atëherë ajo është kryesisht në lidhje me vezoret polistike, apo ndonjë problem tiroid.
Kjo temë është përgatitur nga Rrjeti i Studiove të Bukurisë PASSION./kosovarja.ch/
