Dermatologët i quajnë “bacne”, një bashkim i “back” (shpinës) dhe akneve.
Në mënyrë të ngjashme me aknet dhe njollat në fytyrë, puçrrat në trup shkaktohen nga prodhimi i tepërt i sebumit, ndërtimi i qelizave të vdekura të lëkurës dhe bakteret.
Lëkura në shpinë është jashtëzakonisht e trashë, kështu që potenciali për pore të bllokuara është shumë i lartë.
Akumulimi i vajit dhe qelizave të vdekura të lëkurës krijon një mjedis ideal për shfaqjen e akneve.
Përveç kësaj, ekzistojnë faktorë të stilit të jetës që mund të kontribuojnë në acarime të tilla, si hormone dhe djersitja e tepërt.
Më poshtë, gjeni disa hapa të thjeshtë që mund të ndërmerrni, për të ndihmuar në frenimin e problemit:
- Lani lëkurën tuaj në dush çdo ditë, duke përdorur një sfungjer ose leckë, për një pastrim më të plotë.
- Kërkoni për larës trupi ose krem hidratues trupi që përmban acid salicilik, glikolik ose laktik dhe përdorni një scrub (eksfolim për trupin), 2-3 herë në javë, për të parandaluar bllokimin e poreve nga qelizat e vdekura.
- Lajini reçipetat më shpesh dhe nëse keni lëkurë shumë delikate, lajini ato pas çdo here që i vishni.
- Mos i ngacmoni dhe mos i shtrydhni asnjëherë aknet! Kjo rrit inflamacionin dhe mund ta bëjë lëkurën më të prirur ndaj acarimeve.
- Ndërroni më shpesh çarçafët, këllëfët e jasëkëve dhe peshqirët tuaj rregullisht pasi ato mund të mbledhin vaj, qeliza të vdekura të lëkurës, baktere dhe mbetje nga flokët, lëkura dhe produktet e trupit.
- Nëse i keni provuar të gjitha këto dhe ende keni akne të theksuara në zonën e shpinës, mund të konsultoheni me një dermatolog, për t’u njohur më mirë me problemet dhe trajtimin përkatës.
