Edhe pse shumë prej tyre i kanë periodat çdo 28 ditë, ato mund të ndryshojnë. Prandaj, këto simptoma mund të jenë të ndryshme.
Ndërsa disa gra do të kenë një cikël më të shkurtër dhe më të lehtë, ka edhe nga ato që vuajnë nga menstruacionet e rënda, ndryshimet e humorit dhe mund të përjetojnë ngërçe dhe lodhje.
Sipas gjinekologëve, muajt e ftohtë të dimrit ndikojnë shumë në menstruacionet tuaja, duke theksuar se ka gjëra që mund të bëni për të kontrolluar ciklin gjatë stinës së dimrit.
Menaxhoni dhimbjen tuaj
Arsyeja që ju luftoni më shumë me menstruacionet në mot të ftohtë është se receptorët tuaj të dhimbjes mund të jenë më të ndjeshëm ndaj të ftohtit. Kjo, së bashku me qarkullimin e reduktuar në temperatura më të ulëta, mund t’ju bëjë të ndjeni dhimbje më intensive gjatë menstruacioneve.
Mënyrat më të mira për ta përballuar atë janë më të thjeshtat: mbështilluni ngrohtë, vazhdoni të lëvizni, menaxhoni dhimbjen tuaj me qetësues kundër dhimbjeve ose një shishe me ujë të ngrohtë.
Bëhu aktive
Kur vijnë menstruacionet, gjëja e fundit për të cilën gratë mendojnë është aktiviteti fizik. Muajt e dimrit gjithashtu nënkuptojnë që ne kemi më shumë gjasa të kalojmë kohë brenda, duke shmangur palestrën, vrapimin në natyrë dhe ushtrimet. Megjithatë, mjekja tregon se lëvizja është jashtëzakonisht e rëndësishme gjatë ciklit menstrual.
Ecja e shpejtë, ushtrimet e lehta, joga apo ndonjë gjë tjetër, kanë një efekt pozitiv tek ju gjatë ciklit menstrual.
Gjeni ekuilibrin
Gjatë periudhës menstruale, ruajtja e ekuilibrit mund të duket mjaft e vështirë dhe shumë njerëz mund të kenë ende vështirësi për t’u kthyer në formë.
Hidratimi është kyç, ndaj vazhdoni të pini ujë. Përpiquni të mbani një dietë të duhur. Kur jeni të vetëdijshëm se kujdeseni për shëndetin tuaj, dhimbja lehtësohet.
Merrni suplemente
Ekziston një mundësi e madhe që të keni mungesë të vitaminës D, të cilën trupi e prodhon kur ekspozohet në rrezet e diellit. Mungesa e diellit mund të ketë një ndikim të madh në shëndetin tonë.
“Dielli ndihmon trupin tonë të prodhojë vitaminë D dhe dopaminë, të cilat ndihmojnë në përmirësimin e humorit, përqendrimit dhe motivimit. Për të ndihmuar me çdo ndryshim të humorit që mund të përjetoni gjatë menstruacioneve, rekomandohet që të merrni suplemente të vitaminës D gjatë muajve të dimrit.
