Kemikalet në ushqime shkaktojnë shumë probleme shëndetsore. Te gjithë jemi të vetëdijshëm që ushqimi organik është me i shëndetshëm, por është fakt se shumë pak njerëz tek ne kanë dijeni se çka saktësisht kjo nënkupton. Kemikalet përdoren në ushqim të kafshëve, dhe kontribuojnë në dëmtimin e mjedisit, e gjithashtu shkaktojnë edhe probleme shëndetësore. Për ketë arsye ushqimi organik nënkupton prodhimin dhe rritjen pa prezencë të kemikaleve. Ju kemi përgatitur një listë të ushqimeve, të cilat duhet të prodhohen sipas parimeve organike të prodhimit të ushqimeve, por fatkeqësisht kjo shpesh nuk ndodh.
Molla
Mollët gjenden në maje të ushqimeve, kur flitet për nivelin e pesticideve. Mbi 40 lloj pesticide të ndryshme janë gjetur në mollat joorganike, duke përfshirë këtu kemikale të cilat shkaktojnë edhe kancer, pastaj neurotoksine, toksine reproduktive dhe kemikale të cilat shkaktojnë disbalanc në nivel të hormoneve.
Mishi
Mishi joorganik me të cilin zakonisht ushqehemi, paraqet një rrezik të madh. Jo vetëm se ushqimi shtazor është përplot me pesticide, por, ai përzihet me antibiotikë dhe hormone të rritjes, me qëllim që kafsha të mbetet e shëndetshme, dhe te rritet sa më shume. Këto substanca janë prezente në mish, të cilin njeriu e përdor për ushqim. Disa ekspert besojnë se niveli i antibiotikëve në mish, ka pasur ndikim në rritjen e numrit të njerëzve, të cilët janë rezistent në të njëjtat substanca.
Spinaqi dhe sallata e gjelbër
Spinaqi dhe sallata e gjelbër joorganike, janë transportues i vërtetë i kemikaleve nga arsyeja e thjesht, se kanë sipërfaqe më të madhe në të cilën spërkaten pesticidet. Një-deri në dy sallata, përmbajnë mbi 50 lloje të pesticideve, derisa spinaqi përmban 48 lloje.
Patatet
Patatja e bardhë mund të përmbajë deri në 37 lloje të ndryshme të pesticideve. Nëse nuk keni mundësi të blini patate organike, patatja e ëmbël (batat) është zgjedhje më e mirë, sepse ka shumë më pak kemikale.
Vezët
Pesticidet, hormonet e rritjes dhe antibiotikët, nga pulat kalojnë në vezët e tyre. Për shkak se ato i përdorim shpesh, është mirë të përdoren vezët nga pulat e rritura në mënyrë organike.
Qumështi
Si në rastin e pulave, kafshët ushqehen me ushqim, i cili përmban shumë kemikale. Të gjitha janë aty, nga pesticidet, hormoni i rritjes, deri tek antibiotikët, dhe ato gjejnë rrugën e tyre deri tek qumështi. Interesante është fakti që sa më i lartë është niveli i yndyrës në qumësht, edhe niveli i pesticideve është më i lartë.
Kini kujdes! /kosovarja.ch/
